Mineralogi

Mineralogi atau ilmu pengetahuan pelikan marupoan ilmu bumi nan bafokus pado sifaik kimia, struktur kristal, dan fisika (tamasuak optik) dari mineral. Studi iko mancakup pulo proses pambantukan dan parubahan mineral.

Pado awalnyo, mineralogi labiah manitiakberatan pado sistem klasifikasi mineral pambantuak batuan. International Mineralogical Association marupoan suatu organisasi nan baranggotaan organisasi-organisasi nan mawakili para ahli mineralogi dari masiang-masiang negara. Aktivitasnyo mancakup mangalola panamoan mineral (malalui Komisi Mineral Baru dan Nama Mineral), lokasi mineral nan alah dikatahui, dsb. Sampai jo 2004 alah tadapek labiah dari 4000 spesies mineral nan diakui dek IMA. Dari kasadonyo itu, 150 dapek digolongan “umum”, 50 lainnyo “kadang-kadang”, dan sisonyo “jarang” sampai “sangat jarang”

Belakangan iko, jo disababan dek pakambangan teknik eksperimental (sarupo defraksi neutron) dan kamampuan komputasi nan ado, alah mamungkinan simulasi prilaku kristal baskala atom jo sangik akurat, ilimu ko alah bakambang lueh hinggo mancakup pamasalahan nan labiah umum dalam bidang kimia anorganik dan fisika padek. Walaupun baitu, bidang iko tatok bafokus pado struktur kristal nan umumnyo dijumpai pado mineral pambantuak batuan (sarupo pado perovskites, mineral lempung jo kerangka silikat). Sacaro khusus, bidang ko alah mancapai kamajuan mangenai hubuangan struktur mineral dan kagunoannyo; di alam, contoh nan manonjol barupo akurasi parhitungan dan parkiroan sifaik elastic mineral, nan alah mambukak pangatahuan nan mandalam mangenai prilaku seismik batuan dan kaindaksalarasan nan bahubuangan jo kadalaman pado seismiogram dari mantel bumi. Sahinggo, dalam kaitannyo jo hubuangan antaro fenomena baskala atom dan sifaik-sifaik makro, ilmu mineral (takah nan umumnyo dikatahui kini ko) kamungkinan labiah bahubuangan jo ilmu material daripado ilmu lainnyo.

• (Inggirih) International Mineralogical Association
• (Inggirih) mindat.org mineralogical database
• (Inggirih) Mineralogical Society of America^{[pranala nonaktif permanen]}
• (Inggirih) Mineralogical Association of Canada
• (Inggirih) Georg Agricola's "Textbook on Mineralogy" on gemstones and minerals Archived 2014-08-09 di Wayback Machine.. Diterjemahkan dari Bahaso Latin dek Mark Bandy. Judul asli: "De Natura Fossilium".
• (Inggirih) The Giant Crystal Project Archived 2008-04-26 di Wayback Machine.