Karl Popper
Karl Popper
| |||
| Ankapobeny | |||
| Anarana | Karl Popper | ||
| Teraka | 28 Jolay 1902 | ||
| Maty | 17 Septambra 1994 | ||
| Fiaviana sy ny andraikitra | |||
| Firenena | Aotrisy, Fanjakana Mitambatra | ||
| Asa : | |||
| Fiainana manokana | |||
I Karl Popper dia mpampianatra sy filôzôfan' ny siansan' ny taonjato faha-20, Aotrisiana nahazo ny zom-pirenena britanika. Mpandinika tsy manaraka ny hevitra masaka izy, ka ao amin' ny asasorany rehetra izy dia nanasa ny mpamaky ho amin' ny fisaintsainana sy amin' ny fifanakalozan-kevitra ary amin' ny fampiifandonan-kevitra. Teraka tamin' ny 28 Jolay 1902 tao Vienna, Aotrisy, izy, ary maty tamin' ny 17 Septambra 1994 tao London (Croydon) any amin' ny Fanjakana Mitambatra.
Nalaza tamin' ny heviny momba ny epistemôlôjia izy, saingy afaka nanana fomba fijery vaovao momba ny pôlitika sy ny siansa sôsialy. Nandray anjara tamin' ny fifanakalozan-kevitra avo lenta tamin' ny mpahay siansa malaza indrindra tamin' ny androny izy. Ny lazany dia niorina amin' ny famolavolana mason-tsivana ho enti-manavaka ny siansan' ny fanandramana sy ny fahalalana hafa. Nanantitrantitra ny amin' ny atao hoe "fahafaha-manohitra" amin' ny alalan' ny fanandramana izy mba hamaritana ny fahalalana siantifika. Nofaritany ihany koa ny fisokafana amin' ny fitsikerana izay fepetra sahaza hanondroana ny fahalalana voasaina amin' ny ankapobeny. Nofaritany araka izany ny rijan-kevitra metafizika ho rafitra tsy azo tsipahina amin' ny alalan' ny fanandramana kanefa ekeny ny mety hisian' ny fandalinana ny maha zava-dehibe azy ireny sy ny fampitahana azy ireo.
Tamin' ny naha profesora tao amin' ny London School of Economics azy dia nantitranteriny fa ilaina ny manorna ny fikarohana siantifika amin' ny "programam-pikarohana metafizika" ary napetrany ao anatin' ny rafitry ny epistemôlôjia evôlisiônista ny asa fikarohany.
Jereo koa
[hanova | hanova ny fango]Rohy ivelany
[hanova | hanova ny fango]- Ao amin'i Freebase: [1] Archived Aprily 9, 2016 at the Wayback Machine
