Segara
Prakata
[sunting | besut sumber]Segara kuwe kumpulan banyu sing rasane letek sing amba pisan uga kehubung ming samudra. Banyu nang segara kuwe isine jane campuran sekang banyu murni (96,5%) karo zat liya (3,5%). Zat-zat liya kuwe antarane garam-garaman (mineral), werna-werna gas sing larut ming banyu karo zat liyane.
Sejarah
[sunting | besut sumber]Segara nang bumi kuwe kebentuk 4,4 milyar taun gemiyen. Jaman kuwe banyu segara duwe sifat asam, suhu banyune sekitar 100 C (kaya banyu umeb), kuwe merga planet bumi jaman semono pancen esih panas pisan. Sifat asam banyu segara kuwe merga atmosfer bumi esih akeh ngandung karbon dioksida. Sifat asam banyu jaman kuwe sing marakna tingkat pelapukan dadi duwur pisan tur dadi ngasilna garam-garaman, lha garam-garaman kuwe sing nyebabna banyu segara dadi letek kaya siki.
Jaman kuwe sing jenenge pasang surut banyu segara kuwe bedane adoh pisan angger lagi pasang banyune munggah dhuwur pisan, kuwe merga jarak wulan karo bumi esih pedhek.