Matsuo Basho

Bashō (pr. basciu), psœüdonimo do scritô giapponeize Matsuo Munefusa (Ueno 1644 - Osaka 1694).

O l'é noto sorvetutto pe avei contribuio in moddo determinante a l'evoluçion da poexia lirica attraverso un nœuvo genere breve, o haikai, che, pù derivando da de forme poetiche za existenti, o ne rinnovava profondamente i schemi.

L'ideâ artistego do Bascio o se esprimme into superamento di emoçioin personæ e inta totâ identificaçion de l'òmmo co-a natûa, descrita con de inmaggine no convençionæ che tran inspiaçion ascì da di elementi da realtæ cotidiaña e banâ. Do Bascio son inoltre famoxi i diai de viægio, a-a riscoverta di lœughi cantæ da-a lettiatûa do passao; fra i ciù importanti, Oku no hosomichi ("A streita via pe o nord"), resurtao de una fuxon perfetta tra prösa e poexia.

• Wikimedia Commons a contêgne di files in sce Matsuo Basho