Nespoa

A nèspoa (nèspua in savonéize e novéize , süssacü^[1] ò néspuru^[2] in vintimigiôzo, nèfle^[3] in monegàsco) o l'è o frûto da cianta conosciûa co-o mæximo nómme, ö sæ Mespilus germanica (L., 1753), scibén che a-a giornâ d’ancheu o vêgne ciamòu inte questo mòddo o frûto de l' Eriobotrya japonica ((Thunb.) Lindl., 1821) ascì.

A nèspoa a l'è 'n frûto ch'o se trêuva in aotûnno e o vegne mêuio e d'in cô maròn scûo dòppo ch'o l'è stæto inta paggia pe quarche ténpo. A g'ha bén bén de armelle picinn-e, dûe e de cô néigro.

A nèspoa a l'è 'n frûto euröpêo antîgo de l'Euròpa çentrâ e do Sûd che o no se coltiva ciù, a parte quarche scîto inte l'Asia, e o no deve êse confûzo co-a nèspoa do Giappon, che òua a se pêu acatà a-o mercòu a-o prinçìpio da stæ.

I èrboi de nèspoe se atrêuvan inte l'Italia do Nòrd, ma créscian inta Puggia ascì, e adreitûa in Germania e inta Svissea perchè o l'é 'n èrbo tanto rexisténte. I èrboi de nèspoe s'atreuvan anche in Bulgaria, Turchia, Grecia e inta penìzoa da Crimea.

1. ↑ Pe-o frûto de Mespilus germanica
2. ↑ Pe-o frûto de Eriobotrya japonica
3. ↑ L'èrbo de nèspoe o l'è dîto pe cóntra nespurè.

• Wikimedia Commons a contêgne di files in sce Nespoa
• Wikispecies a contêgne informaçioìn in sce Nespoa