Hommerech

De örsjte vermelding va Humborc sjtamt oet 1070. De St. Bricekèrk sjtamt oet d'r 13de ieëw. D'r zeunt aa-wiezinge dat d'r in d'r Karolingische tied al 'n kèrk waor. De kèrk liegkt op 'n motte en d'r roond liegkt 'n kèrkhof. In d'r kèrkhofmoeër zeunt 18de ieëwse en aower graafsjtèng ingemetseld. Hommerig makt landsjappelek bezieë deel oet van 't Laand va Herf.
Lang is 't dörp verdeeld gewes in Joepe, mèt de kleur roeëj, en Britse, mèt de kleur greun. D'r inzat van de twieë vereniginge waor 't gemèngdehoes. Huutsedaag wert in de Brasserie Grain d'Orge 'n trapistebèèr gemakt mèt die name. Väör de fusie in 1977 waor Hommerig 'n zelfsjtendège gemèngde.
D'r Amerikaanse kèrkhof Henri-Chapelle liegkt deels op groond van 't Hommerigs buurtsjap Vaogelsaank.

Bis in d'r 20e ieëw kalde me in dit dörp Nederlands en e Limburgs-Ripuarisch övverganksdialek. Duutsj woar hee evvel de kèrktaal, oeëdurch 't noaberdörp Rimmezjdel in 1851 woort aafgesjeie van Homburg. Huutsedaags kalle de mètste luuj Fraans (85%), 8% sjprèkt Nederlands en 7% Duutsj. Óngeveer de haof van de autochtoon Fraanssjpraekende bevolking sjprèkt in mieë of minder maot 't lokaal dialekt. Dat zeunt mètstens luuj van 40 jaor en owwer.

•  
  't Sjpoorviadukt
•  
  Kesjtieël Vieljaeren
•  
  'n Boerderiej
•  
  D'r Gulpvallei
•  
  Glaasraam St. Brice in de kèrk
•  
  Glaasraam St. Joep in de kèrk

• Op Hommerig is 't VVV De driej grenze gevestigd.
• Saer 'n vèrtig jaor is d'r 'n kaamplaatsj vör groepe, le Cigogne, die al saer 't begin ooch däör de universitèèt va Wageningen wert gebroekt es verbliefplaatsj es d'r bodemkundège oonderzeuke in d'r sjtrieëk werre gedoeë.
• In 't centrum zeunt 'n aantal aeëtkafees, die zich op wandelaere richte.

• Toeristische website va Hommerig

 

In de categorie Hommerig van Wikimedia Commons zeen media gerelateerd aan dit óngerwerp te vènje