Tilburg

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Tilburg is 'n gemeinte en industriestad in 't midde vaan Noord-Braobant. Op 1 januari 2005 had de gemeinte 198.772 einwoeners, boemèt de stad de twiede vaan Noord-Brabant en de zesde vaan Nederland is. De einwoeners höbbe de bijnaom Kruikenzeikers; tijdens vastelaovend gebroeke de Tilburgers dee naom ouch zelf.

Tilburg is veural 'n industriestad, wie groet zöster Eindhove. De gemeinte herberg naoventrint 7.600 bedrijve die same zoe'n 100.000 arbeidsplaotse beje. Tilburg kint 'n bleujende universiteit, die sinds inkel jaore Universiteit van Tilburg hèt (in 1927 begonne es Katholieke Universiteit Tilburg, later um begriepbaar rejes Katholieke Universiteit Brabant geneump). De stad heet e gerenommerd poppodium, 013 geneump, nao 't nètnómmer vaan Tilburg. De vootbalcub Willem II kump oet in de Ieredevisie.

Tilburg heet ziech pas laot tot 'n stad oontwikkeld, zoetot 't stadsbild neet monumintaal is. Bekind is 't gemeintehoes, in neo-gotische stiel es paleis veur keuning Wöllem II gebouwd. In de statiebeurt vint me inkel wolkekrabbers, boevaan de hoegste mèt 146 meter tot de hoegste gebouwe vaan Nederland huurt.

Tilburg woort in de Middeliewe gestiech es verzameling herdgange: dörper en gehuchte die kort bijein laoge en zoe löskes 'ne groetere plaots vörmde. Later oontwikkelde ziech 'n textielindustrie, boeveur urine aon de deur woort opgehaold veur de stoffe te bleke; heiaon höbbe de Tilburgers häöre bijnaom te danke. In 1806 kraog Tilburg stadsrechte. Later in de negentiende iew, tijdens de korte regeerpeiode vaan Wöllem II, bouwde me 'n ech stadscentrum en versjeie gebouwe; de keuning kaom gere in Tilburg. Aon 't eind vaan de negentiende iew greujde Tilburg oet tot 'n echte stad vaanwege 'n sterke greuj vaan de textielindustrie, die in de jaore zesteg vaan de twintegste iew verlore zouw goon.

• Officieel website

Commons: Category:Tilburg – Media gerelateerd aan dit óngerwerp

Provincie Naord-Braobent
Alphen-Chaam · Altena · Aste · Baarle-Nassau · Bergeijk · Bergen op Zoom · Bernheze · Best · Bladel · Boekel · Den Bosch · Boxtel · Breda · Deurze · Dongen · Drimmelen · Eersel · Eindhove · Etten-Leur · Geertruidenberg · Geldrop-Mierlo · Gemert-Bakel · Gilze en Rijen · Goirle · Halderberge · Heeze-Leende · Helmond · Heusden · Hilvarenbeek · Kranedonk · Laarbeek · Land van Kuuk · Loon op Zand · Maashorst · Meierijstad · Moerdijk · Nuenen, Gerwen en Nederwetten · Oirschot · Oisterwijk · Oosterhout · Oss · Reusel-De Mierden · Roosendaal · Rucphen · Sint-Michielsgestel · Son en Breugel · Steenbergen · Tilburg · Valkeswaerd · Veldhoven · Vught · Waalre · Waalwijk · Woensdrecht · Zomere · Zundert
Opgeheve gemeintes