Theux
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Theux (Waals: Teu) ies 'n plaats en gemeinte in de Belzje provincie Luuk, in 't arrondissement Verviers. De gemeinte haet 'n oppervlak van 83,36 km² en 11.624 inweunersj (1 juli 2005). Behalve de plaats Theux haet de gemeinte de deilgemeintes La Reid en Polleur. De gemeinte liek aan de Hoëgne, in de Ardenne.
Functies
[bewirk | brón bewèrke]Theux ies veural 'n woongemeinte. D'r ies ouch metaalverwèrkende en textielindustrie gevestig. Theux en La Reid höbbe 'n toeristische functie. De plaats ies ouch bekènd es Waalse hoofsjtad van de rivierkreef; in de plaatselike bibliotheek ies hie-euver 'n expositie ingeriech.
Bezeenswaerdighede
[bewirk | brón bewèrke]
In 't centrum van Theux liegke 'n aantal 17e- en 18e-ièwse hoezer. 't Sjtadhoes dateert oet 1770. Op 't centraal plein sjteit de perron oet 1763, 't symbool van de vriehede van Theux. De parochiekèrk ies 'n romaanse hallekèrk mèt e gotisch koar en 'ne massieve tore.
De rewien van 't kesjtièl van Franchimont dateert oet de 11e ièw. Diet kesjtièl waor de zetel van 't graafsjap Franchimont.
In Polleur liegke ouw hoezer en 'n 15e-ièwse kèrk mèt intersante tore. Bie diet plaetske liek 'n groat viaduk. In La Reid liegke ouw hoezer en 't kesjtièl Hautregard.
Historie
[bewirk | brón bewèrke]In de Gallo-Romeinsen tied heesj Theux Tectis. In 898 woort Theux aan de biesjop van Luuk gegeve. De plaats bleef ónder Luuk bies 1794. In 1977 woort de gemeinte Theux samegevoog mèt de gemeintes La Reid en Polleur.
