Sint-Helena (eilandj)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Sint-Helena (Ingels: Saint Helena) is 'n eilandj in 't zuje vannen Atlantischen Oceaan, 2800 km t'n wèste vanne Afrikaanse kus. 't Is 'n óngerdeil van 't Brits gebiedsdeil euvere zieë det Sint-Helena, Ascension en Tristan de Cunha besleitj en ikkenomisch gans aafhenkelik is van 't Vereinig Keuninkriek. De inweuners van Sint-Helena neume zichzelf "Saints". De bevölking is óntstangen oet drie bevölkingsgruup: Afrikaanse slave, Sjinese wirkers en Ingelse koloniste.

Op 't eilandj woeane zoea 4500 luuj. De houfstad is Jamestown.

't Eilandj kan slechs euvere zieë waere bereik, went op dit memènt guuef 't gei vleegveldj op 't eilandj. De Britse euverheid haet in 2011 beslaote 'n internasjenaal lóchhave aan te lègken op 't eilandj. De meining is 't eilandj zoea 'nen ikkenomischen en toeristischen opvaerder te gaeve. 't Vleegveldj krieg de naam Sint Helena Airport. d'n Aanlègk is begós in 2013. Veure boew woort 1000 ton reveerzandj en 1000 ton duunzandj oet Namibië ingeveurdj.