Haokwörm

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De haokwörm of kratswörm (Letien: Acanthocephala) vörmen 'ne stam van klein óngewerveldje en parasitair wörm. De weitesjappelike naam is aafgelèdj gewaore van 't Grieks: ακανθος akanthos "stekel" en κεφαλη kephalè "kop".

De meiste vanne ruum 1200 besjreve saorte waere 1 toet 2 cm lank.

Haokvörm kómmen algemeint veur in 't maag-dermstèlsel van óngerwerveldje, vèsse, amfibieje, veugel en zougdere. Ze danken häöre naam ane trögkploeajing van 't kopoetènj, wodoor ze 'taanzich van 'nen haok höbbe. Ze zeen klein en höbbe sniejendje móndjdeiler of tenj womit ze zich vashäöken anen dermwandj. De eikes óntwikkele zich inne boetewerreld toet lerf die oraal waeren opgenómmen of dore hoed vanne gashieër nao binne kómme en den later inne derm belanje.

De lerf dringe via de hoed binne en vinjen häöre waeg via 't hert, de lónge, de lóchpiep enne sloekderm nao d'n dónnen derm, wo ze zich mit blood en dermweefsel veuje. Ze kónne behuuerlike infeksjes veroearzake in 't spiesvertaeringsstèlsel.

• Riek: Animalia (dere)
  • Óngerriek: Eumetazoa (orgaandere)
    • Klaad: Protostomia (oermunjige)
      • Superstam: Platyzoa (platwörmechtige)

Recèntelik waere de haokwörm same mitte rajerdere (Rotifera) óngere klaad Gnathifera gezatte óngere naam Syndermata.