Kleierdrach

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Kleierdrach of streekdrach drök identiteit oet door 'n bepaoldj saort aan kleier (kostuum) te drage, die meistes wuuertj geassocieerdj mit 'n bepaoldje geografische streek of 'n tiedsperiood inne gesjiechte. Wiejer kan kleierdrach ouch de socialen en religieuze status van emes laote zeen, aevenes of emes getroedj is of neet. Döks guuef 't ouch twieë versjillige vörm van ein saort aan kleierdrach: de dorewaekse drach veur alle daag enne zóndigse drach (ouch veur fieëster en anger formeel aangelaengenheje).

Nao de kóms van 't romantisch nationalisme góng de boerebevölking van Europa model staon veur alles det ech en gewunsj oetzoog. Häöre drach kreeg vaste, tupische vörm en enthousiastelinge nomen 't euver es 'n óngerdeil van häör symboliek.

In gebiede wo de hujige wèsterse mode gebroekelik is gewaore waere traditioneel kleier nag gedragen op speciaal gebeurtenissen of viering, veural die die mitte lokaal cultureel tradities en 't irfgood verbónje zeen.

In Nederlandj wuuertj in 't daacheliks laeve bao gein kleierdrach mieë gedrage, mit oetzunjering van inkel streng-geriffermeerdje plaatse wie Bunschoten en Staphorst. Ouch hie is de kleierdrach aevel sterk oppe retour.