Emmy Rossum

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Emmanuelle Grey Rossum (New York City, 12 september 1986) is 'n Amerikaanse actrice. Het is bekèndj gewaore mit häör rolle in de films The Day After Tomorrow, The Phantom Of The Opera en Poseidon.

Rossum is gebaore in Nuuj York, aafkómstig oet 'n Nederlands-Joodse familie. Häöre vader verleet häör moder wen Emmy nag zeer jonk waas. In häör laeve haet Emmy häöre vader slechs 3 kieër óntmoot. 't Liedje Anymore op häör album geit euver de relatie mit häöre vader.

Op zevejaorige laeftied, nao 't zinge van 't leedje "Happy Birthday" in 12 versjillende toeansaorte, waerdje Emmy toegelaote toet 't Metropolitan Opera Children's Chorus. Gedurende vief jaor haet Emmy dao same mit väöl anger lede van dit koear opgetraoje mit operagroeathede wie Placido Domingo en Luciano Pavarotti. Veur 5 dollar per aovendj zong Emmy in vief versjillende tale en twintjig verschillendje opera's.

Op häör twelfde waas Emmy te groeat veur de kinjerrolle en 'n toenömmende interesse veur 't actere zorgde d'rveur det ze 'ne agent kreeg en 'n acteercarrière begós.

Rossum häör tv-debuut waas in 't jaor 1997, mit 'n gasrölke in Law & Order es Alison Martin. In 't jaor 1999 volgde d'r 'n trukkerendje rol es Abigail Williams in de soap As the World Turns. Rossum waas genomineerd veur 'ne Young Artist Award in 1999 veur 'Best Performance in a TV Movie', veur häör rol in de TV-film Genius. In 2000 vertolkdje ze 'n jóng Audrey Hepburn in de tv-film 'The Audrey Hepburn Story'.

Häör debuut op 't witte dook koom in 'tzelfde jaor, 2000, mit de film Songcatcher. In 2003 volgdje häör twieëdje filmrol, ditmaol 'n hoofrol in de film Nola. In 'tzelfde jaor speeldje Emmy in Clint Eastwood zien film 'Mystic River'.

• Dragonball (2009) - Bulma
• Poseidon (2006) - Jennifer Ramsey
• The Phantom of the Opera (2004) - Christine
• The Day After Tomorrow (2004) - Laura Chapman
• Mystic River (2003) - Katie Markum
• Nola (2003) - Nola
• Passionada (2002) - Vicky Amonte
• Happy Now (2001) - Nicky Trent/Jenny Thomas
• An American Rhapsody (2001) - Sheila (at 15)
• It Had to Be You (2000) - Young Girl
• The Audrey Hepburn Story (2000) (TV) - Young Audrey Hepburn
• Songcatcher (2000) - Deladis Slocumb
• As the World Turns (1999) - Abigail Williams
• Snoops (1999) - Caroline Beels
• Genius (1999) - Claire Addison

• http://www.emmyrossum.com/
• http://www.imdb.com/name/nm0002536/