Iausa[1] (Russice Яуза) est flumen in regione Moscuensi Russiae et in Moscua. Flumen magnitudine secundum Moscuae est. Postquam Neglina flumen et alia flumina parva in alveos subterraneos inclusa sunt, Iausa et Setun' solae in superficie relinquuntur.
In paludibus saepti nationalis Losinyi Ostrov (scilicet Latine Insula alcium) Moscuae adiacentibus incipit, ad septentionem fluit, sed flectitur et in meridiem fluens in Moscuam revertitur et in Moscuam fluvium inter vicos Taganka et Kitaigorod influit. Cataractam et insulam artificialem habet in Moscua. Universitas Publica Technica Moscuensis Baumaniana in ripa Iausae stat.
- ↑ Tabula Moscuae e Civitatibus orbis terrarum Georgii Braun (Coloniae Agrippinae et Antverpiae, 1572-1618, vol. VI, Theatrum praecipuarum mundi urbium), v. hic aut hic.
