Темза

Темза (Thames; кельт тилинен – кара) – Улуу Британиядагы эн ири дарыя. Узундугу 334 км, алабынын аянты 15,3 миң км². Лондон түздүгү менен агып, Түндүк деңизге куярда жазылыгы 16 кмге жеткен эстуарийди пайда кылат. Темзанын 38дей куймасы бар. Орточо чыгымы 260 м³/сек, кышында кирет. Төмөнкү агымына деңиз ташкынынын таасири тиет. Жүк жана калкты ташууда транспорттук мааниси зор. Балык кармалат. Бристоль булуну, Ирланд деңизи жана өлкөнүн өнөр-жай борборлору менен каналдар аркылуу туташат. Боюнда Оксфорд, Лондон, Рединг шаарлары жайгашкан.

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9