We Will Rock You

We Will Rock You (ағылшын тілінен аударғанда — «Біз сендерді сендерді сілкіп (немесе "сындырып") тастаймыз») — ағылшын рок-группасы Queen-нің News of the World альбомындағы сингл. Әнді жазған Брайан Мэй. Ән, кейбір елдерде ғана сингл ретінде шыққанымен, әлемде үлкен танымалдылыққа ие болды және бейнебаян түсірілді. Америкада «We Will Rock You» және «We Are the Champions» пластинканың бір бетінде шықты, себебі ылғи бірге орындалатын — радиода, спорттық жарыстарда, тіпті альбомда да олар бірге жазылды.

Ән өзінің ойға тез сақталатын ритмі — аяқпен екі соққы және қолмен бір шапалағымен әйгілі. Осындай сүйемелдеу әнді ашқаннан біткенше жалғасады. Сондай-ақ, ән, өзінің бір ғана музыкалық инструментпен орындалатындығымен ерекше — электрогитара. Мэй үшінші шумақта, «We will, we will rock you» деп қайырмасын екінші қайталайтын кезде қосылады. Ол струналармен төмен түсе бастайды да, біртонды дыбысты жасай отырып, дауысын бірте бірте қатайта береді. Төртінші рет қайталаған соң, Мэй өзінің солосын ойнап бастап әнді аяқтайды. Алғашында әнде, «We Will Beat You» деген сөздер болуы тиіс еді, бірақ Меркьюри бұлай айту ақымақтық екенін айтып, сөздерді ауыстырады.

Концерттерді ән басқа мәнерде ойналады, дегенмен өзінің дыбысталуын жоғалтқан жоқ. Аяқпен жерді соғып, шапалақтаудың орнына Роджер Тейлор өзінің соққы қондырғысымен басқа ритм жасады. Ол тек екі барабанда ойнады, әншейінде олар барабанның әр басында орналасқан. Тек гитаралық соло басталғаннан соң бірнеше қайтара тарелкаларды соғып, қайтадан үйреншікті ритмге басады. Соққылар Джон Диконның бас-гитарасымен және Мэйдің электрогитарасымен сүйемелденеді. Осыдан соң сахнаға Фредди Меркьюри шығып, әнді айтып бастайтын. Көбіне ол өзімен бірге тағы басқа заттар алып шығатын. Мысалы, әдеттен тыс шляпа, немесе концерт шетелде өтіп жатса, шүберек алып шығатын, оның бір жағында Ұлыбританияның туы, ал екінші жағында концерт өтіп жатқан елдің туы болатын.