Лисипп

Лисипп — б. э. бұрынғы IV ғ. гректің ұлы мүсіншісі, Сикион (Пелопоннес) қаласында туған, творчестволық қызметі б. э. бұрынғы 370—300 жж. жатады. Лисипп Александр Македонский сарайында жұмыс істеді. Ертедегі жазушылар мәліметтеріне қарағанда, ол өмір бойы 1500 қола мүсін жасаған. Оның өнерінде мифтік қаһармандар ерлігіне, соғыс пен аңшылыққа байланысты сюжеттер басым болған. Бейнелерді реалистік өмір шындығына мейлінше жақындатуға тырысып, мүсінші б. э. бұрынғы V ғ. мүсіндерінен өзгеше адам тұлғасы пропорцияларының жаңа жүйесін жасады. Лисипп адам мінезінің күрделілігіне назар аударды, өз кейіпкерлерін көбінесе кемел қайратты да ширақ қалпында, қат-қабат қимыл-қозғалыс үстінде бейнелеп, адамның ішкі жан толғаныстарын беруде бұрын-соңды болмаған әсер тудыра білді. Лисиптің бірде-бір мүсіні біздің заманымызға жетпеді, тек оның санаулы шығармаларының мәрмәр көшірмесі ғана сақталған: «Апоксиомен» (Ватикан музейі), «Демалыстағы Гермес» (Неаполь), атлет Агий мүсіні (Дельфыдағы музей), «Арыстанмен тұрған Геракл» (Эрмитаж), Александр Македонскийдің басы (Стамбулдағы археологиялық музей).^[1]

1. ↑ Өнердің ықшам тарихы—Антик өнері — Алматы, «Өнер» баспасы, 1988.—360 бет ISBN 5-89840-030-3

Бұл мақаланы Уикипедия сапа талаптарына лайықты болуы үшін уикилендіру қажет.

Бұл мақалада еш сурет жоқ. Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз. Суретті мыннан табуға болады: осы мақаланың тақырыбына байланысты сурет Ортақ қорда табылуы мүмкін; мақаланың өзге тіл уикилеріндегі нұсқаларын қарап көріңіз; өзіңіз жасаған суретті жүктеңіз (авторлық құқықпен қорғалған сурет қоспаңыз!).