London universiteti

London universiteti (inglisshe — University of London) -Ullı Britaniyadaǵı eń iri universitet hám ilimiy-izertlew oraylarınan biri. 1836-jılı patsha Vilgelm IV pármanına muwapıq, mámlekettiń ayırım universitetleriniń studentlerine ilimiy dáreje beretuǵın (tiyisli imtixanlardı tapsırǵanınan keyin) shólkem retinde islengen. 1898-jıl qayta duzilip, joqarı oqıw jurtı wazıypasın da ótey basladı. 1907 hám 1910-jıllarda parlamenttiń arnawlı sheshimi menen London universiteti quramına Universitet (1826-jılı islengen) hám Korollıq (1829) kolledjleri qosıldı. London universiteti texnikalıq pánler, ekonomika, yuridikalıq, teologiya, medicina, pedagogikalıq, muzıka pánleri boyınsha qániygeler tayarlaydı. Universitette social hám tábiyiy pánler boyınsha túrli ilimiy izertlew institutları bar. 1947-jılı London universiteti qasında Britaniya medicina federaciyası qurılǵan. Kitapxanasında 1 millionnan artıq dóretpe saqlanadı. Universitette 55 mıńǵa jaqın student tálim aladı, 1,5 mıńǵa jaqın oqıtıwshı isleydi. Ilimiy hám ilimiy-metodikalıq ádebiyatlar baspadan shıǵaradı^[1].

Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan.