Dancing with the Moonlit Knight

„Dancing with the Moonlit Knight“ — პირველი სიმღერა ბრიტანული პროგრესული როკ-ჯგუფ ჯენესისის ალბომზე Selling England by the Pound.

სიმღერა იწყება ა კაპელათი. შემდეგ იგი სულ უფრო ხმაურიანი და რიტმული ხდება, მძიმე როკის ერთგვარი ჟღერადობით. ეს არის ერთ-ერთი იმ სიმღერებიდან, რომლებშიც ტონი ბენქსი იყენებს მელოტრონ M400-ს. კომპოზიციაში ჟღერს 8 ვოკალიანი გუნდი, ხოლო ფინალურ სექციაში - სიმებიანი ორკესტრი. გიტარისტი სტივ ჰეკეტი იყენებს ტეპინგის ტექნიკის ადრეულ მაგალითებს.

სიმღერის მელოდია მეორდება "The Cinema Show"-ს ფინალში და "Aisle of Plenty"-ში. მოტივი აღებულია აკორდების თანმიმდევრობიდან, რომელშიც იგივე აკორდებია, რაც "Cinema Show"-ში, განსხვავებული თანმიმდევრობით.

სიმღერის ტექსტი წარმოადგენს კომენტარს თანამედროვე ინგლისის თემებზე, მაგალითად, ბრიტანეთისთვის ტიპური მწვანე ფარიანი მარკების შესახებ. ″chewing through your Wimpy dreams″-ში იგულისხმება ბრიტანეთში, 1970-იანების დასაწყისში არსებული ჰამბურგერების რესტორნების ქსელი Wimpy. ალბომმა Selling England by the Pound სახელწოდება შეიძინა სიმღერის ერთ-ერთი სტრიქონის გავლენით.

სტრიქონის "'Paper late!' Cried a voice in the crowd" გავლენით შეიძინა სახელწოდება ჯგუფის 1982 წლის სიმღერამ "Paperlate".

• პიტერ გებრიელი: ვოკალი, ფლეიტა, ჰობოი, ბას-დოლი, დაირა
• სტივ ჰეკეტი: ელექტრონული და აკუსტიკური გიტარები
• მაიკ რეზერფორდი: ბას-გიტარები და აკუსტიკური გიტარა, ბას-პედლები
• ტონი ბენქსი: ARP Pro Soloist, მელოტრონი, Hammond-ის ორგანი, ფორტეპიანო
• ფილ კოლინზი: დასარტყმელი საკრავები, პერკუსია

• სიმღერის ანალიზი გიორგი სტაროსტინის საიტზე