Venus saka Willendorf

Venus saka Willendorf utawa Venus of Willendorf yaiku ukiran saka jaman Paleolitikum kang diukir saka watu gamping, asale kira-kira saka taun 25.000-21.000 SM.^[1] Ukiran iki ditemukaké ing Willendorf, Ostenrik.^[1]

Sanajan ukurane padha tangan, karya seni iki dianggep monumental lan ekspresif kanthi wujud kang organik.^[1] Ukiran iki ngatonaké wujud oval gelombang kang nggambaraké sirah, dhadha, torso lan pupu.^[1] Pérangan rai, gulu lan sikil pérangan ngisor katon dieliminasikaké.^[1] Tangan lorone pangkon-pangkonan ing dhadha kang ora gampang dikenali amarga ora sampurna.^[1] Adhedhasar spekulasi, pangukiran mung ing pérangan-pérangan tinamtu amarga ana hubungane karo fungsi nyusoni lan reproduksi.^[1]

Yèn dibandingaké ing sisih lorone, mula pérangan ngarepe luwih diprioritasaké tinimbang pérangan mburi kang nandhakaké barang iki pancen dideleng saka ngarep.^[1] Amarga frontalitas yaiku karakter kang akèh dituduhaké ing karya seni religius ing abad-abad candhaké, kombinasi frontalitas lan simbolis kang kakehan iki disimpulaké déning para ahli yèn Venus of Willendorf minangka dewi kesuburan.^[1]

Panemin iki minangka salah siji saka figur wong wadon prasajarah kang dijenengi Venus (jeneng dewi cinta lan ayune Romawi). Sanajan ora ana bukti kang nuduhaké sapa kang dilambangaké déning ukiran mau.^[1] Artefak-artefak iki duwé ukuran dhadha lan bokong kang kakehen, ngindikasekaké yèn anané gehayutane karo kesuburan yaiku pelestarian sawijining spésies.^[1]

Venus of Laussel

Venus of Laussel yaiku ukiran kang padha karo Venus of Willendorf, nanging diukir minangka relief.^[1]^[2] Ukiran iki ditemukaké ing Laussel, Dordogne, Perancis lan asalé saka 25.000 SM-23.000 SM.^[1] Bokong lan dadane duwé ukuran kang gegedhen lan tangane luwih katon jelas.^[1] Dhèwèké nyekel sawijining sungu kéwan kang diukir nganggo tangan tengene.^[1]

Pranala njaba

Women in Prehistory, The Venus of Willendorf Archived 2007-09-27 at the Wayback Machine.
The Venus of Willendorf

Cathetan suku

↑ ^a ^b ^c ^d ^e ^f ^g ^h ⁱ ^j ^k ^l ^m ⁿ ^o Adams, Laurie Schneider (2001). A History of Western Art. McGraw-Hill. kc. 22–23. ISBN 0-07-231717-5.
↑ Women in Prehistory, The "Venus" of Laussel Archived 2006-08-30 at the Wayback Machine., arthistory. Diundhuh tanggal 19 Mèi 2010.

[satu-1] ↑ ^a ^b ^c ^d ^e ^f ^g ^h ⁱ ^j ^k ^l ^m ⁿ ^o Adams, Laurie Schneider (2001). A History of Western Art. McGraw-Hill. kc. 22–23. ISBN 0-07-231717-5.

[2] Women in Prehistory, The "Venus" of Laussel Archived 2006-08-30 at the Wayback Machine., arthistory. Diundhuh tanggal 19 Mèi 2010.

[1]

[2]