Masakan Thailand

Masakan Thai utawa masakan Thailand nyakup panganan lan ombènan sarta cara masak kas Thailand. Ciri kas masakan Thai yaiku rasa pedhes lan akèh bumbuné, nanging dipadu karo keseimbangan rasa legi, asin, kecut, lan pedhes.

Sanajan kabèh ingaran masakan Thai, ing Thailand ana patang jinis masakan laladan kang asal saka patang laladan utama: Thailand Lor, Thailand Wétan lor (masakan Isan), Thailand Tengah, lan Thailand Kidul. Saben masakan laladan olèh prebawa saka masakan Cina lan masakan nagara-nagara tanggané. Ora kaya kari kas Thailand kang migunakaké bumbon crakèn seger, kari Thailand Kidul nganggo bumbon crakèn garing kang digorèng kaya kari India.^[1] Ciri kas liya masakan Thailand Kidul yaiku nganggo santen lan kunir seger. Mayoritas kang ndunungi Thailand Kidul nganut agama Islam. Leluhuré teka saka anak bawana India punjul rong èwu taun kapungkur satemah masakan Thailand Kidul mèmper karo masakan India.^[1] Masakan Thailand Wétan lor (Isan) kerep nganggo peresan jeruk, lan kaprabawan déning masakan Laos. Sapérangan gedhé panganan Thai kang kaloka saiki minangka adhaptasi saka masakan Cina kang diwanuhaké ing Thailand déning wong Tio Ciu kang mayoritas wong Cina-Thai. Masakan kang wiwitané asal saka Cina, umpamané: jok, kwetiau rad na, khao kha moo (moo pa-loh), bamii (Thai: บะหมี่, mi kuah), lan khao mun gai

Bumbu lan bumbon crakèn dianggo sajeroning kaanan seger (dudu bumbon crakèn garing). Bumbu-bumbu kang umum sajeroning masakan Thai yaiku antarané: lombok rawit, lombok abang, santen, kécap iwak (nam pla), jahe, bawang, brambang, godhong ketumbar, seré, trasi (kapi), gula jawa, lan asem jawa.

• Tod man pla krai (Thai: ทอดมันปลา): gorèngan pasta iwak.
• Pad Pak-boong (Thai: ผัดผักบุ้ง): tumis kangkung.

• Jok (Thai: โจ๊ก): bubur saka beras.
• Khao Tom (Thai: ข้าวต้ม): sup sega ala Thai, isi daging babi, ayam, utawa urang.

• Khao pad (Thai: ข้าวผัด): sega gorèng ala Thailand, bisa nganggo daging ayam, daging sapi, daging babi, urang, kepiting, klapa, lan nanas.
• Pad thai (Thai: ผัดไทย): kwetiau gorèng isi daging ayam utawa panganan sagara karo bumbu nam pla.
• Rad na (Thai: ราดหน้า): kwetiau lebar kang digorèng daging sapi, daging ayam, urang, utawa panganan sagara.
• Khao pad naem (Thai: ข้าวผัดแหนม): sega gorèng karo sosis asil fermèntasi (panganan kas Thailand Wétan lor)
• Pad see ew (Thai: ผัดซีอิ๊ว): mi gorèng daging ayam/babi karo kécap legi kenthel (see ew dum) lan nahm pla.
• Pad kee mao (Thai: ผัดขี้เมา, mi mabuk): mi gorèng karo godhong kemangi thai.
• Khao khluk kapi (Thai: ข้าวคลุกกะปิ): sega gorèng trasi, dihidangaké karo babi legi lan janganan.
• Khanom chin namya (Thai: ขนมจีนน้ำยา): mi karo bumbu kécap iwak, lan dipangan karo janganan seger.
• Khao soi (Thai: ข้าวซอย): mi garing kang dihidangaké ing jero sup kari ayam kang rasané legi (masakan kas Thailand Lor.)
• Khao pad gai (Thai: ข้าวผัดไก่): sega gorèng ayam.
• Khao mun gai (Thai: ข้าวมันไก่): sega kang didang karo bawang, ayam godhog, lan kaldu ayam, dihidangaké karo saus cocol.
• Gai pad grapao (Thai: ไก่ผัดกะเพรา): daging ayam cincang karo bawang, lombok, lan godhong kemangi.
• Gai pad med mamoung himaphan (Thai: ไก่ผัดเม็ดมะม่วงหิมพานต์): potongan daging ayam karo kacang mete lan lombok.

• Tom yam gong (Thai: ต้มยำ): sup kecut pedhes isi daging. Yèn isi urang ingaran tom yam goong (tom yam kung, Thai: ต้มยำกุ้ง). Tom yam isi panganan sagara (urang, nus, lan iwak ingaran tom yam talae (Thai: ต้มยำทะเล),déné tom yam daging ayam ingaran tom yam gai (Thai: ต้มยำไก่).
• Gai Pad Khing (Thai: ไก่ผัดขิง): tumis ayam karo potongan jahé.
• Tom kha gai (Thai: ต้มข่าไก่): sup kecut pedhes isi daging ayam lan santen.
• Sate (Thai: สะเต๊ะ): saté daging babi utawa daging ayam. Saté yaiku masakan Indonésia kang populèr minangka jajanan ing Thailand.
• Kari abang (gaeng phet, Thai: แกงเผ็ด): kari pedhes karo bumbu lombok abang garing.
• Kari hijau (gaeng khiew-waan, Thai: แกงเขียวหวาน): kari karo bumbu lpmbok ijo seger lan godhong kemangi thai. Daging kang dianggo bisa daging ayam utawa bakso iwakn. Kari ijo kerep dianggep kari paling pedhes ing masakan Thai.
• Kari massaman curry (Thai: แกงมัสมั่น): kari gaya India kang lumrahé digawé déning wong Islam Thai. Kari jinis iki nganggo bumbon crakèn garing kang dialusaké kaya wiji ketumbar.
• Pad prik (Thai: ผัดพริก): daging sapi kang ditumis karo lombok, lan uga ingaran neua pad prik (Thai: เนื้อผัดพริก)
• Pad kraphao (Thai: ผัดกะเพรา): daging babi, daging sapi, utawa daging ayam kang ditumis karo godhong kemangi thai.
• Pad pak ruam (Thai: ผัดผักรวม): tumis manéka jinis janganan.
• Phanaeng curry (Thai: พะแนง): kari kenthel isi daging sapi (phanaeng nuea, Thai: พะแนงเนื้อ), daging ayam, utawa daging babi. Kaya déné kari massaman, kari jinis iki uga nganggo bumbon crakèn garing kang dialusaké.
• Tod man (Thai: ทอดมัน): gorèngan pasta iwak (tod man pla krai, Thai: ทอดมันปลากราย) utawa pasta urang (tod man kung, Thai: ทอดมันกุ้ง)
• Boo Jah (Thai: ปูจ๋า): gorèngan pasta kepiting dicampur daging babi, bawang, lan mrica. Panganan iki dipangan karo saus pedhes kaya saus Sri Rachaa, saus bawang pedhes legi, saus nahm prik pao (pasta lombok kang digorèng), utawa pasta kari abang lan irisan godhong brambang.
• Choo-Chee Plah Ga-Pong (Thai: ฉู่ฉี่ปลากระพง): iwak saus kari choo-chee.

Masakan Thailand Wétan lor mirib karo masakan Laos. Wong Isan kang manggon ing Thailand Wétan lor minangka katurunan wong Lao. Basané uga mèmper karo basa Lao.

• Som tam (Thai: ส้มตำ, IPA: som ɗam) utawa ingaran sajeroning basa Lao/Isan minangka ตำมักหุ่ง (IPA: ɗam mak huŋ) yaiku salad katès parut kang ditumbuk ing cowèk lan ulekan. Ana telung variasi som tam kang umum: som tam poo (Thai: ส้มตำปู) karo kepiting ireng asin, som tam thai (Thai: ส้มตำไทย) karo kacang brol, èbi, lan gula jawa, sarta som tam plara (Thai: ส้มตำปลาร้า) saka Thailand Wétan lor, dicampur iwak gurami asin, térong putih, kécap iwak, lan kacang lanjaran.
• Larb (basa Lao: ລາບ, Thai: ลาบ): salad kecut kang digawé saka daging, bawang bombay, lombok, tepung beras sangrai, lan direngga nganggo godhong mint.
• Nam tok (Thai: น้ำตก): salada daging kang mèmper karo larb, nanging daging dipotong dawa-dawa lan ora dicincang.
• Yam (Thai: ยำ): jeneng umum kanggo manéka salad kang rasané kecut, antarané digawé saka sohun (yam wun sen Thai: ยำวุ้นเส้น) utawa panganan sagara (yam talae, Thai: ยำทะเล).
• Tom saep (Thai: ต้มแซบ): sup pedhes lan kecut ala Thailand Wétan lor.
• Gai kang (Thai: ไก่ย่าง): ayam panggang
• Suea Rong Hai (Thai: เสือร้องไห้): daging sapi (sandung lamur) panggang
• Khao niao (Thai: ข้าวเหนียว): sebutan tmrap ketan kang didang minangka panganan pokok wong Thailand Lor lan Thailand Wétan lor.
• Nam prik num (Thai: น้ำพริกหนุ่ม): saus cocol kang digawé saka térong asem, lombok ijo, lan bawang.

• Kao niao ma muang (Thai: ข้าวเหนียวมะม่วง): ketan lan irisan pelem mateng
• Lod chong nam ka ti (Thai: ลอดช่องน้ำกะทิ): mi beras mawa aroma pandhan kang dimasak karo santen.
• Kanom tan (Thai: ขนมตาล): kuwé klapa.
• Ruam mit (Thai: รวมมิตร): woh berangan kang dihidangaké bebarengan karo nangka, wiji sagu, lan santen.
• Kanom chun (Thai: ขนมชั้น): kuwé lapis ketan aroma pandhan
• Kanom bua loy (Thai: ขนมบัวลอย): bola-bola tales sajeroning santen.

• Pratélan masakan Thai

• Joe Cummings, Lonely Planit World Food Thailand, 288 pages, Lonely Planit Publications, 2000, ISBN 978-1-86450-026-4
• David Thompson, Classic Thai Cuisine, 145 pages, Ten Speed Press, 1993, ISBN 0-89815-563-0

Wikimedia Commons duwé médhia ngenani Cuisine of Thailand.

• Resep Masakan Thailand
• Cuisine of Thailand ing Curlie
• Humas Pamaréntah Thailand: panganan Thai sing terkenal Archived 2015-02-05 at the Wayback Machine.