Métafisika

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki. Kanggo ndandani, wacana Pitulung:Aksara Jawa.

Métafisika (basa Yunani: μετά (méta) = "sawisé utawa diwalik", φύσικα (phúsika) = "samubarang ing alam") iku cabang filsafat sing nyinaoni pamedharan asal utawa hakékat obyèk (fisik) ing donya. Métafisika iku studi 'anané' utawa réalitas. Métafisika nyoba njawab pitakonan-pitakonan kaya ta: Apa sumber saka siji réalitas? Apa Gusti ana? Apa papan manungsa ing njero semesta?

Cabang utama métafisika ya iku ontologi, studi ngenani kategorisasi bendha-bendha ing alam lan gegandhèngan antarané siji lan sijiné. Ahli métafisika uga ngupaya nyethekaké pamikiran-pamikiran manungsa ngenani donya, kalebu kaanaan, kabendhaan, sipat, ruwang, wektu, gandhèngan sebab akibat, lan kamungkinan.

Panggunan istilah "métafisika" wis ngrembaka kanggo ngrujuk marang "samubarang sing ana ing sanjabaning donya fisik". "Toko buku métafisika", minangka conto, dudu utawa ora adol buku ngenani ontologi, nanging luwih marang buku-buku ngenani èlmu gaib, pangobatan alternatif, lan samubarang sejinisé.

• Aristotle's Metaphysics trans. by W. D. Ross
• Aristotle's Metaphysics trans. by Hugh Tredennick (HTML at Perseus)
• Aristotle's Metaphysics at Stanford Encyclopedia of Philosophy
• Stanford Encyclopedia of Philosophy, entry under OBJECT, by Henry Laycock
• Ways of Seeing: A common sense exploration of modern metaphysics. Archived 2017-09-16 at the Wayback Machine.
• Metaphysics: Multiple Meanings Archived 2012-03-25 at the Wayback Machine.