kumte

?kumte
zdokumte bu'u lo snime
saske terganzu
baljutsi: danlu xadytaijutsi: skoselti'e klejutsi: mabru grijutsi: relmeidegji sfumabru vipygrijutsi: Tylopoda lazyjutsi: kumte la grei. de'i lo 1821moi
frejutsi
Lama glama  Lama guanicoe  Vicugna pacos  Vicugna vicugna  Camelus dromedarius  Camelus bactrianus

ro lo vo tcokumte .e lo zdokumte .e lo rabykumte cu kumte .i lo kumte cu selte'i lo ka lazyjutsi lo vipygrijutsi po'u la'o ly. Tylopoda .ly.

ni'o lo kumte cu relmeidegji sfumabru .i drata vipygrijutsi lo relmeidegji sfumabru fa lo xarju .e lo tcoxarju .e lo ri'erxi'a .e lo mutce snada je vrici ke toltu'o xejyzalvi noi se cmima lo bakni .e lo lanme .e lo kanba .e lo .antilope .e lo mirli .e lo djirafa .e lo drata

ni'o lo kumte cu spacti gi'e na'o barda .i lo kumte cu frica lo toltu'o xejyzalvi lo vrici .i lo kumte cu se betfu lo cibyselku'a .e nai lo vonselku'a .i lo gapru ctebi cu se pagbu re sepli muvdu .i lo tuple cu clani gi'e clamau simlu ki'u lo nu claxu lo trati pilka poi kuspe lo galtu'e bi'i lo xadni .i lo kumte cu se sufti na gi'e se jamfu da poi relseldegji gi'e se gacri lo xutla to zoi ly. Tylopoda .ly. cu latmo valsi lo selgai jamfu toi .i lo tcokumte noi xabju lo salpo je rokci tutra cu kakne lo nu muvgau lo selgai be lo degji te zu'e lo nu jgari .i lo re zdofriko kumte ba'o matybi'o lo jursa je jaurcau vanbi fi'o farvi lo mutce

ni'o lo kumte cu tolcanci pu za lo megna'a be li ji'i 45 bu'u lo cabna bemtu'a .i lo lanzu cu vricybi'o gi'e banro gi'e ze'u stali lo bemtu'a .i pu za lo megna'a be li 2 bi'i 3 lo pa moi kumte cu tolci'a lo zdotu'a .i go'i lo tcotu'a ba lo nu lo panamas zei tumne'o cu zasti