mluske to pijyske

ni'o lo mluske ( la'o gy. phenomenology gy. ) goi ko'a cu saske fi lo pijyske tadji co'a lo cfari pagbu be lo 20 moi ctona'a fi'o favgau la .edmynt.xusyrl. e lo bende be lo se lidne bei tu'i la .gytingyn. zei balcu'e pe la .munix. zei dotco .i baku ko'a co'a te jinvi lo pijyskepre pe lo fasygu'e .e lo mergu'e .e lo drata fau lo nu so'iroi na'e srana lo la .xusyrl. selci'a

ni'o fi'o te sidbo la .xusryl. lo mluske cu srana lo ra'u nu gasnu lo nu lo kamsanji ( la'o gy. consciousness gy. ) stura .e lo selmlu ( la'o gy. phenomenon gy. ) be fo lo zu'o kamsanji cu binxo lo selzgana be fo lo nu campei je lanli .i je go'i fau lo nu mutce steci sei me la'o gy. first person gy. se'u terjvinu lo selmlu be fi lo pe genai ba'e mi gi ro ba'ucu'i kamsanji .i la .xusyrl. krici lo du'u lo mluske ki'uku ka'e sabji lo jicmu be ro selju'o co kamprenu sei ji'a saske se'u gi'e ka'e cfagau lo pijyske be pa'a lo fu'e ba'e kamcamku'i saske

ni'o lo la .xusyrl. sidbo be lo mluske puca se pairpinka ja se favgau ge po'onai xy. gi ji'a lo xy. selctu je djupre po'u la .martin.xaidegyr. e lo zatsi'opre ( la'o gy. existentialist gy. ) be mu'u la .moris.merlopontis. e la .jan.pol.sartr. e lo drata pijyskepre be mu'u la .pol.rikyr. e la .emanuel.levinas. e la .ditrix.von.xildybrant.