Radio-retaro

Radio-retaro esas komuniko-retaro di qua la ligo ad- e de ligo-punti esas senfila. La retaro esas distributita trans ter-arei nomizita ‘celuli’, single servita da adminime un fixe lokizita transmis-recevilo (tipale tri celulo-situi o baza transmis-recevil-stacioni). Ica bazo-stacioni provizas la celulo per retaro-kovrado qua povas esar uzata por transmisar voco, datumi ed altra sorti di konteno. Celulo tipale uzas diferanta nombro de frequenci de vicina celuli, por evitar interfero e provizar garantiata servo-qualeso interne singla celulo.

Se oli juntesas, ca celuli provizas radio-kovrado trans vasta geografial areo. To posibligas da nombroza portebla transmis-recevili (ex-e.: portebla telefonili, tabuleti, faldebla komputori equipita de portebla interret-aceso, modemi, notifikili, edc.) komunikar l'un kun l'altra kun fixa transmis-recevili e telefonili omnube en la retaro, per bazo-stacioni, mem se kelka de la transmis-recevili movas (portesas) tra plu kam un celulo dum la transmiso.

Radio-retari ofras nombroza dezirata posiblesi:

• Plu-multa kapaceso kam singla granda transmisilo, pro ke la sama frequenco povas esar uzata por plura ligi tam longe kam oli esas en diferanta celuli.
• Portebla aparati uzas min mult energio kam sola transmisilo o satelito pro ke la celulo-turmi esas plu proxima.
• Plu vasta kovr-areo kam sola terala transmisilo, pro ke adicionala celulo-turmi povas esar adjuntata senfine e ne esas limitizita da la horizonto.

Granda telekomuniko-provizerii instalis celulo-retari trans la maxim granda parto de la habitata ter-arei di Tero. To permisigas da portebla telefonili e portebla komputoral aparati konektar a la publika swichita telefonala retaro (PSTR) e publik interret-aceso.

Privata celulo-retari povas esar uzata por exploro o por grand organizuri e navari, tale quale depesho por lokala publika sekures-agenterii o taxio-firmo.