Programo Voshod

Programo Voshod (lektez Vos-hod) esis unesma Sovietiana programo di esquadala kosmoflugi e samptempe unesma esquadala kosmonavi.

Precipua skopi dil programo esis unesma kosmala ped-promeno e pozar di unesma esquadala kosmonavo sur orbito. Por testi uzis on 3 prototipi: Kosmos-47 (1964 – kun 2 manekini vice ke homi), Kosmos-57 (1965 – ank senesquadala flugo, dessucesoza) e Kosmos 110 (1966 – kun 2 hundi, pos 22 dii esquado tervenis viva).

Kosmoflugi:

• Voshod 1 – 12ma di oktobro 1964 – unesma esquadala flugo (Vladimir Komarov, Konstantin Feoktistov e Boris Yegorov)
• Voshod 2 – 18ma di marto 1965 (Pavel Belayev e Alexei Leonov) – unesma kosmala ped-promeno di Leonov
• Voshod 3 – nihiligita 19-diala flugo (Georgi Shonin e Boris Volinov)
• Voshod 4 – nihiligita 20-diala flugo (Georgi Beregovoi e Georgi Katis)
• Voshod 5 – nihiligita 10-diala "mulierala" flugo (Valentina Ponomaryova e Irina Solovyova)
• Voshod 6 – nihiligita 6-diala flugo (Yevgeni Hrunov e Anatoli Voronov)