Maro di Japonia

Maro di Japonia esas maro inter Japonia, Sakhalin, Koreana peninsulo, e Rusia. L'arkipelago Japoniana separas ol de Pacifiko. Quale Mediteraneo, ol preske ne havas marei, nam ol esas preske komplete izolata de Pacifiko. Poka fluvii debushas an ol, e li kontributas kun cirkume 1% de tota aqui de la maro.

L'aquo havas granda quanto di oxo dissolvita, e to rezultas granda biologiala produktiveso. Olim, kande existis "landala ponto" inter estal Azia e Japonia, Maro di Japonia esis komplete encirkligita da tero. Dum la komenco di Mioceno, tale nomizita "Japoniana arko" komencis apertesar, e nordala e sudala parto dil arkipelago Japoniana separesis l'una de l'altra.