Oceano
Oceano esas granda extensajo di aquo saloza en la Tero, precipue to qua «separas du o plusa kontinenti».[1]. L' oceani kovras cirkume 71% ek tota surfaco di la Tero, o 361 milioni km², e kontenas plura mari.
L'oceani klasifikesas en kin, di qui tri granda (Atlantiko, Indiana oceano e Pacifiko) e du min granda (Antarktika oceano o sudala oceano, ed Arktika oceano o nordala oceano). La nordala e la sudala oceani esas partale kovrata per glacio dum tota yaro, e la glacio divenas plu dika dum vintral epoko. Pacifiko, havanta 155 557 000 km², esas la maxim vasta ek l'oceani. Ibe jacas la maxim basa punto de la surfaco di la tero, nomizita "foso di Mariani", profunda di 11 034 metri.
La sequanta tabelo rezumas informi pri la kin oceani:
| Oceano | Vicina kontinenti | Surfaco (km²) | Mezavalora profundajo (metri) |
|---|---|---|---|
| Antarktika oceano | Antarktika | 20 327 000 | 3270 |
| Arktika oceano | Nord-Amerika, Azia ed Europa | 14 056 000 | 1205 |
| Atlantiko | Amerika, Europa ed Afrika | 106 500 000 | 3646 |
| Indiana oceano | Afrika, Azia, Oceania | 68 556 000 | 3741 |
| Pacifiko | Azia, Oceania ed Amerika | 155 557 000 | 4280 |
| Precipua artiklo: Pelagika zono |
Referi
[redaktar | redaktar fonto]
- ↑ «océano.» Diccionario de la lengua española - Idiomo: Hispana.
| Geografiala formi | ||
|---|---|---|
| Arkipelago • Atolo • Bayo • Delto • Dezerto • Duno • Estuario • Fluvio • Fonto • Fyordo • Geizero • Glaciero • Gulfo • Insulo • Istmo • Kabo • Kaverno • Klifo • Kolino • Kontinento • Lago • Laguno • Maro • Marsho • Monto • Oceano • Peninsulo • Planajo • Prato • Ravinego • Savano • Stepo • Stretajo (marala) • Tundro • Valo • Volkano | ||