Jan van Eyck
| Jan van Eyck | ||
| ||
| Profesiono: | piktisto | |
| Lando: | Flandria | |
| Naskodato: | 1390, 1385 | |
| Nasko-loko: | Maaseik | |
| Mortodato: | 9 di julio 1441, 9 di junio 1441 | |
| Morto-loko: | Brugge | |
Jan van Eyck (ante c. 1390 - 9 julio 1441) esis flandriana/nederlandana piktisto qua esis aktiva en Brugge. Il ofte judikesas kom un ek la fondinti dil Frua Nederlandana pikto-skolo ed un ek la maxim signifikanta reprezentanti di Norda Renesanco-arto.
La poka transvivanta registri di lua frua vivo indikas ke il naskis c. 1380–1390, maxim probable en Maaseik. Il employmesis en Den Haag kom piktisto e Valet de chambre kun Duko Ioannes la 3ma, regnanto di Holando e Heno-komtio en Den Haag cirkume 1422, kande il esis ja maestro-piktisto kun ateliero-helpanti. Pos la morto di Ioannes en 1425 il employesis en Lille kom korto-piktisto di la Duko Filip la 3ma di Burgundia, til 1429 ante translojar a Brugge, ube il habitis til lua morto. Il alte estimesis da Filip, ed entraprezis plura diplomacala viziti ad exterlando, inkluzante a Lisboa en 1428, por explorar la posibleso di mariaj-kontrato inter la duko ed Isabela de Portugal.
Ecepte la Altarajo di Gent e la iluminata miniaturi di la Torino-Hori, cirkume 20 transvivanta pikturi di qui on savas kun certeso ke lu esis autoro, omna datizita inter 1432 e 1439. Dek, inkluzanta la Altarajo di Gent, esas datizita e signatita per varianto di lua moto, ALS IK KAN (angle: As I (Eyck) can, "Se me povas") sempre skribita en greka literi, sempre kalemburo ye lua nomo.
Van Eyck piktis amba sekulara e religiala temi, inkluzanta altaraji, unpanela religiala figuri e komisita portreti. Lua verkaro inkluzas unopla paneli, diptika, triptika, poliptika paneli. Il bone pagesis da Filipo, qua sorgis ke il esis sekura financale e havis artistala libereso e povis piktar "irgakande lu deziris".
La verkaro da Van Eyck venas del Internaciona Gotika stilo, ma il balde eklipsis ol, parte per plu multa emfazo di naturalismo e realismo. Per sua developi en uzado di oleo-farbo il atingis nova nivelo di virtuozeso. Van Eyck esis tre influiva e lua tekniki e stilo adoptesis e rafinesis dal Frua Netherlandana piktisti.