Temperatura

Temperatura
instantia de: state function[*]
subclasse de: scalar[*], intensive quantity[*]
Commons: Temperature

Un temperatura^[1] es un comparative, objective mesura de calide e frigide. Illo es mesurate, typicamente per un thermometro, per le comportamento in grosso de un material thermometric, detection de radiation caloric, o per velocitate de particulas o energia cinetic. Illo pote esser calibrate in alicun de varie grados de temperatura, Celsius, Fahrenheit, Kelvin, etc.

Mesurationes con un parve thermometro, o per detection de radiation caloric, pote monstrar que le temperatura de un corpore de material pote variar occasionalmente e de loco a loco intra lo. Si cambiamentos occurre troppo rapidemente, o con un troppo parve distantia, intra un corpore, illo pote esser impossibile de definir su temperatura. Assi le concepto de temperatura generalmente ha un contento empiric.

Quando conditiones permitte le definition de temperaturas, illos governa le direction de transferimento caloric inter corpores. Intra un corpore que non excambia energia o materia con su ambiente, le temperatura tende a devenir uniforme spatialmente per tempore. Quando un via permeabile solmente de calor es aperte inter duo corpores, energia semper transfere spontaneemente como calor de un plus calide corpore de un plus frigide un.

Le theoria cinetic da un utile ma limitate conto del comportamento del materiales de systemas macroscopic. Illo indica le temperatura absolute como proportional al medie energia cinetic del motiones microscopic fortuite de lor constituente particulas microscopic tal como electrones, atomos, moleculas.

Le plus frigide temperatura theoric es appellate zero absolute. Illo pote esser approchate ma non attingite in alicun actual systema physic. Illo es denotate per 0 K sur le scala Kelvin, -273.15 °C sur le scala Celsius, e -459.67 °F sur le scala Fahrenheit. In materia a zero absolute, le motiones de microscopic constituentes es minimal.

• Radiation thermal
• Scala de temperatura
• Thermodynamica

1. ↑ Derivation: Entitates: 1. (it) Temperatura || 2. (es) Temperatura || (pt) Temperatura || 3. (fr) Température || 4. (en) Temperature || Controlo: (de) Temperatur || (ru) Температура || - (Extra): (la) Temperatura thermodynamica

Iste pagina contine material traducite ab Wikipedia in anglese. Le articulo original se trova a en:Temperature, e es usate secundo le mandatos del licentia de Wikipedia.