Mythologia japonese

Il ha duo libros importante del legendas de Shinto, le religion de Japon. Illos es:

• Le Kojiki (Documentos de Subjectos Ancian)
• Le Nihongi (Chronicas de Japon)

Kojiki es super le Epocha de Deos, ante le origine del humanitate. In Kojiki, le mundo es create, con Japon al centro, e deos e deas es create. Nihongi es super le Imperatores de Japon. Le Imperatores es descendentes de Ama-Terasu, le Dea del Sol.

Le historias sequente respresenta solmente le Deos e Deas Vetule listate in le pantheon.

Izanagi e Izanami esseva mandate a crear le mundo, etc. Illes creava multe insulas e le Deos del elementos.

Izanami moriva parturiente le Deo del Foco, e Izanagi, dolorate, decapitava su filio, e altere Deos proveniva del sanguine. Alora Izanagi vadeva a Yomi (inferno) pro trovar su sposa, ma quando ille trovava le corpore, ille esseva horrificate, e curreva al mundo alte. Como ille le purifica in un fluvio, su vestimentos super le margine cambiava a plure Deos ulterior.

Ante que ille vadeva a Yomi, Susa-no-o e su soror reproduceva per masticar gladios e gemmas, e spuer infantes.

Susa-no-o salvava un senioretta de un dracon con octo capites, e ille la maritava.

Le Dea del Sol (Ama-Terasu) e le Deo del Tempestas (Susa-no-o) confligeva violentemente. Ama-Terasu se celava in un caverna, e toto deveniva tenebrose. Susa-no-o esseva bannite del celo al mundo. Le altere deos e deas essayava incoragiar Ama-Terasu a sortir, mais infructosemente. Finalmente, un Dea estraniemente vestite dansava un dansa fabulose, e Ama-Terasu, plen de curiositate, sortiva de su caverna, restabiliente le lumine.

Ohonamochi vadeva a Yomi (inferno), e maritava le filia de Susa-no-o. Susa-no-o le dava plure cargas pro complir ante que ille poteva sortir, mais ille, adjutate per su nove sposa, los compliva, e alora le copula fugiva Yomi.

Izanami

Izanami esseva Dea del Creation. Su sposo esseva Izanagi.

Izanagi

Izanagi esseva le Deo del Creation. Ille e Izanami conjuncte creava multe insulas e le Deos del elementos.

Ama-Terasu

Ama-Terasu nasceva del oculo sinistre de Izanagi. Illa es le Dea del Sol, e establiva le dynastia regal de Japon. Illa es le soror de Susa-no-o.

Susa-no-o

Susa-no-o nasceva del naso de Izanagi. Ille esseva le Deo del Mar, ma ille non ama le mar, e deveniva le Deo de Yomi (inferno). Ille anque es le Deo del Luna e del Tempestas.

Ohonamochi

Ohonamochi es le Deo del Terra, e le filio de Susa-no-o. Ille es associate con Daikoko, le Deo de Opulentia.

Inari

Inari es le Dea de Ris, cuje animal sacre es le vulpe. Illa es associate con Ukemochi, le dea de cereales e alimentos.

Hachiman

Hachiman esseva le Deo del Guerra, cuje animal sacre es le columba (multo contrastante con le rolo de illo in le mundo occidental). Le columbas esseva su messageros. Hachiman esseva un persona genuin, le Imperator Ojin, ca. 270–310.

Amida

Amida es un Deo Buddista de lumine infinite, e sagessa profunde.

Kwannon

Kwannon es le filio spiritual de Amida, e es le Guardiano del Buddhismo, e Deo/Dea del Clementia.

Emma-o

Emma-o es le soverano del inferno, e un judice.

Daikoku

Le deo Shinto del Opulentia, qui sta super un sacco de ris, e porta le Martello del Opulentia. Vide anque Ohonamochi (Deo del Terra), in alto, proque le ricchessas proveni del terra.

Ebisu

Le deo Shinto del Labor, qui porta un canna de pisca, e un pisce grande. Ebisu es le filio de Daikoku.

Bishamon

Le deo buddhista del Guerra, qui porta un pagoda e un lancea. Bishamon es un del quatro reges buddhista.

Benten

Le dea buddhista del Amor e del Artes. Illa cavalca super un dracon, e sona un biwa (lut japonese).

Fukurokuju

Le deo buddhista del Sagessa e del Vita Longe, qui ha un capite alte e un ciconia.

Jurojin

Le deo buddhista del Felicitate e del Vita Longe. Ille es un erudito vetere, con un grue, cervo, o tortuca.

Hotei

Hotei es un sacerdote corpulente qui porta multe cosas de valor.

Wikimedia Commons ha files multimedia de: Mythologia japonese

• Mythologia