Amalasuntha

Amalasuntha
Sexo	feminin
Nascentia	498 (Ravenna)
Decesso	535-04-30, 535 (Isola Martana)
Citatania	Ostrogothic Kingdom[*]
Occupation	politico[*], scriptor
Religion	Arianismo
Conjuge	Eutharic[*]
Infantes	Athalarico, Matasuntha[*]
Parentes	matre Audofleda[*] patre Theodorico le Grande
Fratres/sorores	Theodegotho[*], Ostrogotho[*]
Lingua	latino
Identificatores
ISNI	000000009717973X
VIAF	7030951, 1831159233954303370285, 33148207881300341982
Commons	Amalasuntha

Amalasuntha, etiam cognoscite como Amalasunta, Amalasuentha, Amalaswintha, o Amalasuintha (Ravenna, Italia circa 495 – insula de Martana, Italia le 30 de april 535) esseva un regina del ostrogothos.

Filia del rege ostrogotho Theodorico le Grande, illa habeva sposate in secrete con un sclavo de nomine Traguilla, qui esseva executate quando le matre de Amalasuntha les surprendeva insimul.

In 515 habeva essite sposate con Eutarico, un nobile ostrogotho qui habeva vivite anteriormente in le Hispania visigotho. Apparentemente, su marito moriva in le prime annos post le maritage, lassante la con duo filios: Athalarico e Matasuenda. Con le morte de su patre in 526, le filio de Amalasuntha succedeva le in le throno, ben que illa ostentava le cargo de regente durante le minoritate de etate de su filio.

Sub profunda influentia del cultura roman classic, illa dava a su filio un education plus fin e orientate al litteratura que illo que de costume inter le gothos. Consciente de esser impopular, illa exiliava e posteriormente faceva assassinar tres nobile gothos de qui suspectava de intrigar contra su mandato, aperiente al mesme tempore negotiationes con le imperator byzantin Justiniano I orientate a obtener asylo per illa e per le tresor gotho in Constantinopole. Le morte de su filio in 534 causava pauc cambios in iste stato de affaires.

Nunc habeva essite convertite in regina, Amalasuntha maritava se con su cosino Teodato ^[1] in un intente de reinfortiar su position. Su election, nonobstante, esseva infortunate, proque Teodato, qui vangloriava se de su cultura litterari, augmentava le disaffection del gothos, e forsan per ordines sues o con su consentimento, Amalasuntha esseva imprisionate in un insula del laco de Bolsena, en le region del Latio, ubi in le primavera de 535 esseva assassinate in le banio.

Le litteras de Cassiodoro, prime ministro e assessor litterari de Amalasuntha, e le historias de Procopio e Jordanes es le principal fonte de information super Amalasuntha.

Etiam super le personage de Amalasuntha scribeva le dramaturgo espaniol del seculo 16 Antonio Mira de Amescua le obra Las Lises de Francia.^[2]

Iste articulo incorpora texto del Encyclopaedia Britannica de 1911 cuje contente es in le dominio public.

1. ↑ Historia y simbología en el arte musivo de Revenna, per José Blanco J., in Revista Pharos, in sito web del http://www.uaemex.mx Archived 2013-01-14 at the Wayback Machine Universidad del estado de México, pagina 18
2. ↑ Las Lises de Francia Archived 2007-08-08 at the Wayback Machine, de Antonio Mira de Amescua. Edition electronic per Vern G. Williamsen.

• La conquista de Occidente, articulo de Carlos Ivorra. In sito web del Universitate de Valencia.

Iste pagina contine material traducite ab Wikipedia in espaniol. Le articulo original se trova in le version 63503064 de es:Amalasunta, e es usate secundo le mandatos del licentia de Wikipedia.