Անտրէ Սեւրուկեան
| Անտրէ Սեւրուկեան | |
|---|---|
 | |
| Ծնած է | 1896 |
| Ծննդավայր | Թեհրան, Իրան |
| Մահացած է | 17 Դեկտեմբեր 1996 կամ 1997 |
| Քաղաքացիութիւն |
 Իրան |
| Մասնագիտութիւն | գեղանկարիչ |
| Ծնողներ | հայր՝ Անտուան Սևրուգին? |
Անտրէ Սեւրուկեան (Տերվիշ, 1896, Թեհրան, Իրան - 17 Դեկտեմբեր 1996 կամ 1997), հայ գեղանկարիչ[1]։
Կենսագրութիւն
[Խմբագրել | Խմբագրել աղբիւրը]Ծնած է Իրանի մայրաքաղաքը՝ Թեհրանի մէջ: Անոր հայրը Իրանի Նասեր ալ Տին շահի արքունական լուսանկարիչ Անթուան Սեւրուկինն է[2]։
Նախնական կրթութիւնը ստացած է ծննդավայրի ֆրանսական վարժարանը, այնուհետեւ՝ Փարիզի գեղարուեստի դպրոցը։ Փարիզէն վերադառնալէն ետք ան մտաւորական ընկերներու հետ հիմնած է փիլիսոփայական շրջանակ, որու ծիրէն ներս զայն տուած են «տերվիշ» մականունը:
Մասնագիտացած է ինքնակրթութեամբ, ուսումնասիրած է հին պարսկական մանրանկարչութիւննը, որու ազդեցութիւնն ալ կրած է իր ստեղծագործութիւններուն մէջ:
Ասպարէզ
[Խմբագրել | Խմբագրել աղբիւրը]Գեղանկարչը 1922 թուականին եղած է Անդրկովկաս, որոշ ժամանակ ապրած է Թիֆլիս, անդամակցած՝ «Հայ արուեստագէտներու միութեան»։
Ծննդավայրին մէջ Սեւրուկեան շուրջ ինն տարի նկարազարդած է պարսիկ նշանաւոր բանաստեղծ Ֆիրտուսիի «Շահնամէ»ն, այդ նիւթով ստեղծած է 416 նկար, որոնք ցուցադրուած են Ֆիրտուսիի ծննդեան 1000-ամեակի տօնակատարութեան օրերուն (1930-ականներուն)։ Այդ աշխատանքի համար Տերվիշին շնորհուած է «Արուեստի եւ գիտութեան» շքանշան։
Իր միւս նշանակալի գործը պարսիկ գիտնական, բանաստեղծ Խայամիի քառեակներու 140 նկարազարդումներն են:
Ցուցահանդէսներ
[Խմբագրել | Խմբագրել աղբիւրը]Անտրէ Սեւրուկեան անհատական ցուցահանդէսներ ունեցած է Հնդկաստանի, Պերլին, Պրիւքսէլի, Վիեննայի եւ Լոնտոնի մէջ[3]:
Ծանօթագրութիւններ
[Խմբագրել | Խմբագրել աղբիւրը]- ↑ «Sevrugian | Weltkulturen Museum»։ web.archive.org (անգլերէն)։ 2019-04-30։ արխիւացուած է բնօրինակէն-էն՝ 2019-04-30-ին։ արտագրուած է՝ 2024-07-30
- ↑ «Sevruguin's Images of the Orient: Cultural Migrants Between Armenia and Persia | Qantara.de»։ qantara.de (անգլերէն)։ 2009-06-15։ արտագրուած է՝ 2024-07-30
- ↑ «ՊԱՏԿԵՐԻ ՔԵՐԹՈՂՈՒԹԻՒՆԸ ԻՐԱՆԱՀԱՅ ՄԵԾ ԱՐՈՒԵՍՏԱԳԷՏ ԱՆԴՐԷ ՍԵՒՐՈՒԿԵԱՆԻ 130-ԱՄԵԱԿԸ՝ ՄԱՇՏՈՑԵԱՆ ՄԱՏԵՆԱԴԱՐԱՆԻ ՄԷՋ ԳՈՐԾԱԿՑՈՒԹԵԱՄԲ ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ»։ www.jamanak.com։ արտագրուած է՝ 2024-07-30