(45) Էուգենիա
 Eugenia | |
|---|---|
| Հիմնական տվյալներ | |
| Հայտնաբերել է | Հերման Գոլդշմիդտ, 27 հունիս 1857 թ. |
| Ժամանակավոր համար | 1941 BN[1] և A857 MA[1] |
| Պատկանում է խմբին | աստերոիդների գոտի[1] |
| JPL Small-Body Database | 20000045 |
| Բացարձակ մեծություն (H) | 7,46 |
| Հեռավորությունը Արեգակից | 2,721044 ա. մ. |
| Ուղեծրային տվյալներ | |
| Պերիհելին | 2,4963 ա. մ. |
| Ապոհելին | 2,9458 ա. մ. |
| Մեծ կիսաառանցք | 2,721044 ա. մ.[2] |
| Էքսցենտրիսիտետ | 0,0825997092358754 |
| Սիդերիկ պարբերություն | 1639,46 օր (4,49 տարի) |
| Միջին շարժում | 0,219584 աստիճան/օր |
| Թեքվածություն | 6,6° (Խավարածրի նկատմամբ) |
| Ծագման անկյան երկայնություն | 147,69° |
| Պերիկենտրոնի արգումենտ | 88,39° |
| Միջին անոմալիա | 230,9 |
| Ֆիզիկական հատկանիշներ | |
| Շառավիղ | 107,315 կմ[2] |
| Պտույտի պարբերություն | 5,699 ժ |
| Սպեկտրալ դաս | Աստերոիդների դաս F[1] և աստերոիդների դաս C[1] |
| Ալբեդո | 0,0398 |
 45 Eugenia Վիքիպահեստում | |
(45) Էուգենիա (անգլ.՝ 45 Eugenia), աստերոիդ աստերոիդների հիմնական գոտում։ Հայտնաբերվել է 1857 թվականի հունիսի 27-ին Հերման Գոլդշմիդտի կողմից Փարիզում[2]։
Բնութագրական տվյալները
[խմբագրել | խմբագրել կոդը]Միջին հեռավորությունը Արեգակից կազմում է 2,721044 ա. մ., առավելագույնը մոտենում է 2,4963 ա. մ. հեռավորության վրա և հեռանում 2,9458 ա. մ., իսկ Երկրի ուղեծրին Էուգենիա աստերոիդը նվազագույնը մոտենում է 1,4972 ա. մ. հեռավորության վրա[2]։ Արեգակի շուրջ մեկ ամբողջական պտույտ է կատարում 1639,46 երկրային օրվա ընթացքում, իր ուղեծրով շարժվելով միջինում 0,219584 աստիճան/օր արագությամբ։ Աստերոիդի ուղեծրի և խավարածրի հարթությունները իրար հետ կազմում են 6,6° անկյուն։
Ըստ Տոլենի սպեկտրալ դասակարգման պատկանում է C դասին[2]։
Անուն
[խմբագրել | խմբագրել կոդը]Անունն ստացել է Նապոլեոն III-ի կնոջ՝ կայսրուհի Եւգենյա դե Մոնտիխո դը Գուզմանի պատվին։ Դա եղել է առաջին դեպքը, երբ աստերոիդին շնորհվել է իրական և դեռևս ապրողի անուն։ Մինչ այդ աստերոիդներին տալիս էին անտիկ դիցաբանության հերոսների անուններ։ Չնայած, մի ժամանակ կարծիքներ կային, որ Վիկտորիա աստերոիդի անունը գալիս է Վիկտորյա թագուհու, այլ ոչ թե դիցաբանական անունից։
Արբանյակները
[խմբագրել | խմբագրել կոդը]Ունի երկու արբանյակ, որոնցից մեկի անունն է Փոքրիկ իշխան։ Այդ անունը տրվել է ֆրանսիայի կայսրուհի Եվգենիայի որդու՝ երիտասարդ տարիքում մահացած Նապոլեոն IV-ի պատվին։ Բացի դա, այդ անունը նաև համահունչ է Անտուան դը Սենտ-Էքզյուպերիի «Փոքրիկ իշխանը» հեքիաթի հետ։
Փոքրիկ իշխանն ունի ընդամենը 13 կմ տրամագիծ և աստերոիդի շուրջը պտտվում է նրա հասարակածային հարթությունում մոտ 1200 կմ հեռավորության վրա մոտավորապես հինգ օր պարբերությամբ[4]։.
Երկրորդ, ավելի փոքր (մոտավորապես 6 կմ տրամագծով) արբանյակը, որի ուղեծիրն ավելի մոտ է Էուգենիային (700 կմ), ստացել է S/2004 (45) 1 անունը[5] Այն հայտնաբերվել է 2004 թ. փետրվարին Չիլիի աստղադիտակների երեք նկարների համադրումից[6]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 JPL Small-Body Database
- ↑ 2,0 2,1 2,2 2,3 2,4 «ՆԱՍԱ-ի Ռեակտիվ Շարժման Լաբորատորիայի (ՌՇԼ) Փոքր մարմինների տվյալների շտեմարան (45) Էուգենիա». ՌՇԼ. (անգլ.)
- ↑ 3,0 3,1 3,2 3,3 Փոքր մոլորակի կենտրոնի տվյալների շտեմարան
- ↑ «Discovery of Asteroidal Satellite S/1998 (45) 1». American Astronomical Society. 1999. (անգլ.)
- ↑ http://adsabs.harvard.edu/abs/2007IAUC.8817....1M IAUC 8817
- ↑ «IMCCÉ Breaking News». Արխիվացված է օրիգինալից 2012 թ․ մարտի 20-ին. Վերցված է 2020 թ․ դեկտեմբերի 29-ին.
Արտաքին հղումներ
[խմբագրել | խմբագրել կոդը]- Շմադել, Լուց (2003). Փոքր մոլորակների անունների բառարան (5-րդ վերանայված և ընդլայնված հրատարակություն ed.). Գերմանիա: Սփրինգեր. ISBN 978-3-540-00238-3. (անգլ.)
- Էուգենիա աստերոիդը Փոքր մոլորակների կենտրոնի կայքում (ուղեծրի տվյալները և դիտարկումները) (անգլ.)
| ||||||||||||||||||||||||||||||