Տժվժիկ

Անվան այլ կիրառումների համար տե՛ս՝ Տժվժիկ (այլ կիրառումներ)

Տժվժիկ
Տեսակ	կերակուր
Հիմնական	offal? և լյարդ

Տժվժիկ, հայկական խոհանոցի ոչխարի կամ տավարի լյարդից ու թոքերից պատրաստվող կերակրատեսակն է^[1]։ Պատրաստվում է նաև փորոտիկներից (սիրտ, լյարդ, թոք, երիկամ)^[2]։ Հնարավոր են տարբերակներ խոզի կամ հավի փորոտիկներից։ Դրա պատրաստելը համարվում է հեշտ։

Լյարդը վրայից մաքրել մաղձից ու թաղանթից, թոքը լվանալ, երիկամները մեջտեղից կտրել և թաղանթը հեռացնել, կերակրափողը շուռ տալ և լավ լվանալ։ Մաղձը հեռացնելուց հետո լյարդի և երիկամների վրայից հեռացնել թաղանթը, մթերքները լավ լվանալ։ Կտրատել հավասար կտորների։ Տապակի մեջ ձեթ լցնել և լավ տաքացնել։ Ավելացնել ալրապատ կտորները և տապակել մինչև կիսապատրաստ լինելը։ Ավելացնել կտրատած գլուխ սոխ (այտ տարբերակում նախորոք սոխը կիսաօղակների կտրտել, բուսայուղով տապակել՝ մինչև թափանցիկ դառնա^[3]), մանր կտրատած լոլիկը (կամ տոմատ ըստ ցանկության), աղ, պղպեղ։ Ծածկել թավան կափարիչով և եփել, մինչև պատրաստ լինելը (մոտ 7-8 րոպե)։ Աղը ավելացնել միայն վերջում։ Զարդարել մանրացված մաղադանոսով^[4]։

Ընթերցե՛ք «տժվժիկ» բառի բացատրությունը Հայերեն Վիքիբառարանում։