Ռոմանովների տան երեքհարյուրամյակ

Ռոմանովների տան երեքհարյուրամյակ
Ստեղծման թնական	1913
Պատվիրատու	Նիկոլայ II
Ներկա սեփականատեր
Սեփականատեր	Ալեքսանդրա Ֆեոդորովնա և Մոսկվայի Կրեմլ (թանգարան-արգելոց)
Հավաքածու	Մոսկվայի Կրեմլ (թանգարան-արգելոց)
Դիզայն և նյութեր
Նյութեր	ոսկի, արծաթ, ալմաստ, Լեռնային բյուրեղապակի, արծնապակի, փիրուզ, purpurin?, ջրաներկ և Փղոսկր
Բարձրություն	190 միլիմետր
Լայնություն	78 միլիմետր
Ֆաբերժեի ձվեր

«Ռոմանովների տան երեքհարյուրամյակ» (ռուս.՝ Трёхсотлетие дома Романовых), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի^[1] ընկերությունում Ռուսաստանի կայսերական ընտանիքի համար։ Այն ստեղծվել է 1913 թվականին Նիկոլայ II կայսեր պատվերով։ Ոսկերչական ձուն Նիկոլայը Զատկի^[2] տոնին նվիրել է կնոջը՝ կայսրուհի Ալեքսանդրա Ֆեոդորովնային^[3]։ Այն ստեղծվել է ի նշանավորումն Ռոմանովների տան երեքհարյուրամյակի^[4]։

Այսօր «Ռոմանովների տան երեքհարյուրամյակ» կայսերական ոսկերչական ձուն պահպանվում և ցուցադրվում է Կրեմլի զինապալատում^[5] (Մոսկվա, Ռուսաստանի Դաշնություն) և համարվում է այն բացառիկ ձվերից, որոնք երբեք չեն լքել Ռուսաստանի սահմանները։

«Ռոմանովների տան երեքհարյուրամյակ» ոսկերչական ձուն պատված է սպիտակ էմալով^[6]։ Դրա վրա զարդարված են ոսկե երկգլխանի արծիվներ և կայսերական թագեր։ Երգու գագաթներին մեծ ադամանդներ են զետեղված, որոնց տակ տեղադրված են երկու թվականներ՝ «1613» և «1913»^[1]: Ձուն տեղադրված է արծաթյա ոսկեջուր եռակողմ երկգլխանի արծվի վրա, որը թևերը վեր է բարձրացրել։ Արծիվն էլ իր հերթին տեղադրված է կլոր հիմքի վրա, որը ստեղծված է կայսերական վահանի տեսքով^[3]։ Բուն վահանը պատրաստված է փայտից՝ պատված կարմիր թավիշով։ Զարդարված է նեֆրիտով, լեռնային բյուրեղապակիով և այլ թանկարժեք քարերով ու էմալով^[2]։

Ոսկերչական ձվի վրա տեղադրված են Ռոմանովների տան 18 ներկայացուցիչների դիմանկարներ^[7], որոնք նկարված են ջրաներկով փղոսկրի վրա և պատված են լեռնային բյուրեղապակե շերտերով^[8]։

Մանրանկարներում պատկերված են.

Միխայիլ Ռոմանով	Ալեքսեյ Միխայլովիչ	Ֆեոդոր III Ալեքսեևիչ	Իվան V	Սոֆյա Ալեքսեևնա	Պետրոս I
Եկատերինա I	Պետրոս II	Աննա Յոհանովնա	Ելիզավետա Պետրովնա	Պետրոս III	Եկատերինա II
Պավել I	Ալեքսանդր I	Նիկոլայ I	Ալեքսանդր II	Ալեքսանդր III	Նիկոլայ II[9]

Դիմանկարների մեջ չկա Իվան VI-ի պատկերը, քանի որ նա կարճ է թագավորել։ Բոլոր դիմանկարներն արված են ջրաներկով՝ փղոսկր վրա։ Մանրանկարիչը Վասիլի Զուևն է^[10]։ Նկարները շրջանակված են ադամանդներով։

«Ռոմանովների տան երեքհարյուրամյակ» կայսերական ոսկերչական ձվի անակնկալը ձվում տեղադրված պտտվող գլոբուսն է՝ պատրաստված արջնած պողպատից։ Ի դեպ, գլոբուսի վրա երկու անգամ պատկերված է Հյուսիսային կիսագունդը^[5]։ Դրանց վրա պատկերված է 1613 և 1913 թվականների Ռուսաստանի սահմանները^[11]։

Նիկոլայ II կայսրը ձուն կնոջը՝ Ալեքսանդրա Ֆեոդորովնային է նվիրել 1913 թվականի Զատկի տոնին։ 1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ^[2]։

Ցայսօր այս ստեղծագործությունը պահպանվում և ցուցադրվում է այս թանգարանում^[6]։

• Ֆաբերժեի ձվեր

• Faber, Toby. Fabergé's Eggs: The Extraordinary Story of the Masterpieces That Outlived an Empire. Random House (2008) 1-4000-6550-X
• Forbes, Christopher and Johann Georg Prinz von Hohenzollern. Fabergé: The Imperial Eggs. Prestel (1990). ASIN B000YA9GOM
• Lowes, Will. Fabergé Eggs: A Retrospective Encyclopedia. Scarecrow Press (2001) 0-8108-3946-6
• Snowman, A. Kenneth. Carl Fabergé: Goldsmith to the Imperial Court of Russia. Gramercy (1988) 0-517-40502-4

• Яйцо Трехсотлетие Дома Романовых Фаберже 1913 Արխիվացված 2016-03-04 Wayback Machine
• 1913 Romanov Tercentenary Egg Արխիվացված 2012-07-01 Wayback Machine
• Яйцо пасхальное «300-летие Дома Романовых»
• Пасхальные яйца Фаберже, коллекция Московского Кремля
• «300-летие Дома Романовых». Пасхальное яйцо К. Фаберже
• A detailed article on the 'Romanov Tercentenary' Egg from wintraecken.nl
• ZOOM Faberge Imperial Eggs at the Alexander Palace Time Machine

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ռոմանովների տան երեքհարյուրամյակ կատեգորիայում։

դ ք խ Ֆաբերժեի ձվեր Կայսերական ձվեր Հավիկ (1885)  • Շափյուղայից կախազարդով հավիկ (1886)  • Ժամացույցով ոսկե ձու (1887)  • Քերովբե և կառք (1888)  • Պիտույքատուփ (1889)  • Դանիական դղյակներ (1890)  • Ազովի հիշողություն (1891)  • Ադամանդե ցանց (1892)  • Կովկասյան (1893)  • Վերածնունդ (1894)  • Քրիստոսի հարություն (մինչև 1899, հնարավոր է «Վերածնունդ» ձվի անակնկալը)  • Կապույտ ձու-ժամացույց օձով (1895)  • Վարդի կոկոնով ձու (1895)  • Ալեքսանդր III-ի դիմանկարները (1896)  • Պտտվող մանրակերտերով ձու (1896)  • Երեք մանրակերտով նարդոսավարդագույն ձու (1897)  • Թագադրական (1897)  • Հավալուսն (1898)  • Հովտաշուշաններ (1898)  • Անյուտայի աչիկներ (1899)  • Շուշանների փունջ (1899)  • Աքաղաղ (1900)  • Տրանսսիբիրյան մայրուղի (1900)  • Գատչինյան պալատ (1901)  • Ծաղիկների զամբյուղ (1901)  • Ամպիր (1902)  • Երեքնուկ (1902)  • Դանիական հոբելյան (1903)  • Պետրոս Մեծ (1903)  • Կարապ (1906)  • Մոսկովյան Կրեմլ (1906)  • Շղթայազարդ օրորոց (1907)  • Վանդակով և վարդերով ձու (1907)  • Սիրամարգ (1908)  • Ալեքսանդրյան պալատ (1908)  • Ալեքսանդր III-ի հիշատակին (1909)  • Շտանդարտ զբոսանավը (1909)  • Ալեքսանդր III-ի ձիարձան (1910)  • Սյունաշար (1910)  • Դափնի (1911)  • Թագավորման տասնհինգամյակ (1911)  • Նապոլեոնյան (1912)  • Արքայորդի (1912)  • Ձմեռային (1913)  • Ռոմանովների տան երեքհարյուրամյակ (1913)  • Եկատերինա Մեծ (1914)  • Խճանկարային (1914)  • Դիմանկարներով կարմիր խաչ (1915)  • Կարմիր խաչ տրիպտիխ (1915)  • Սուրբ Գևորգի շքանշան (1916)  • Ռազմական մետաղական (1916)  • Կեչուց (1917)  • Համաստեղություն (1917, անավարտ) Կելխի ձվեր Կելխի հավիկ (1898)  • Տախտակադրվագներով ձու (1899)  • Սոճու կոն (1900)  • Խնձորենու ծաղիկներ (1901)  • Ռոկայլ (1902)  • Կոնֆետատուփ (1903)  • Կելխի շանտեկլեր (1904) Այլ ձվեր Լազուրիտե (1886)  • Կապույտ էմալե զոլերով ձու (1885—1891)  • Վարդագույն քվարցե ձու (1899)  • Գարնանային ծաղիկներ (1899)  • Սկանդինավյան (1899—1903)  • Մալբորո դքսուհու ժամացույց-ձու (1902)  • Ռոտշիլդյան (1902)  • Ժամացույց (1903)  • Յուսուպովի ձու (1907)  • Նոբելի սառցե ձու (1914)  • Գիշերային (1917)  • Ձու-կնիք (1895)