Մագդեբուրգյան իրավունք

Մագդեբուրգյան իրավունք (գերմ.՝ Magdeburger Recht), Մագդեբուրգ քաղաքի քաղաքային ֆեոդալական իրավունք։ Ձևավորվել է XIII դարում։ Աղբյուրներ են ծառայել սաքսոնյան հայելին, Մագդեբուրգի շյոֆենների դատարանի որոշումները, քաղաքային պատրիկությանը արքեպիսկոպոս Վիխմանի շնորհած արտոնությունները և այլն։

Կարգավորել՝

• դատարանի, քաղաքային իշխանության գործունեությունը
• հողային սեփականություն
• տիրույթների խախտում
• շարժական գույքի զավթման իրավահարաբերություններ

և սահմանել պատիժներ։

Մագդեբուրգյան իրավունքն ամրապնդել է ֆեոդալների դեմ մղվող պայքարում քաղաքացիների հաջողությունները։ Կիրառվել է Արևելյան Գերմանիայում, Արևելյան Պրուսիայում, Չեխիայում, Սիլեզիայում, Հունգարիայում, Լեհաստանում և Լիտվայում, իսկ հետո անցել է նաև Գալիցիա և Բելառուսիա։

Մագդեբուրգյան իրավունքը հարատևել է մինչև XVIII դար-XIX դար։

Վիքիպահեստն ունի նյութեր, որոնք վերաբերում են «Մագդեբուրգյան իրավունք» հոդվածին։

Բառարաններ և հանրագիտարաններ Բրիտանիկա · Բրոքհաուսի և Եփրոնի · Մեծ սովետական (1 հրտ.) Չափորոշչային վերահսկողություն GND: 4168496-5 · LNB: 000304414

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 111)։

Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։