Կինթայր թերակղզի

Կինթայր թերակղզի անգլ.՝ Kintyre գաել.՝ Cinn Tìre
Կոորդինատներ
55°34′04″ հս․. լ. 5°34′59″ ամ. ե.HGЯOL
Ողողող ջրեր	Ատլանտյան օվկիանոս
Ամենաբարձր կետը	454 մ
Երկիր	Միացյալ Թագավորություն
Վարչատարածքային բաժանում	Շոտլանդիա
	Վիքիպահեստում

Կինթայր թերակղզի, (գաել.՝ Cinn Tìre, անգլ.՝ Kintyre), թերակղզի արևմտյան Շոտլանդիայում, Արգայլ և Բյուտ վարչական շրջանի հարավարևմտյան մասում։ Թերակղզին ձգվում է հարավից հյուսիս, մինչև Իսթ Լոխ Թարբերտ մոտ 30 մղոն (48կմ)։ Կինթայրից անմիջապես դեպի հյուսիս ընկած տարածքը հայտնի է Նափդել անվամբ։ Կինթայրը երկար և նեղ թերակղզի է՝ արևմտյան և արևելյան ափերը միմյանցից հեռու են ոչ ավել քան 11 մղոն (18կմ)։ Կինթայր թերակղզու արևելյան ափը փակում են Կիլբրանան Սաունդի ափամերձ գագաթները, որոնցից է Թոր Մորը։ Թերակղզու կենտրոնական մասը հիմնականում բլրապատ մորեններ են։ Ափամերձ տարածքները և թերակղզու խորքը, այնուամենայնիվ, արգավանդ է և բերրի։ Կինթայրը երկար ժամանակ բաղձալի տարածք է եղել բնակիչների համար, ներառյալ շոտլանդացիների նախնիների, որոնք գաղթել էին Ալսթերից դեպի արևմտյան Շոտլանդիա և վիկինգների համար, որոնք նվաճեցին տարածքը և բնակություն հաստատեցին այնտեղ Ք.Ա. երկրորդ հազարամյակի սկզբներին։ Տարածքի գլխավոր քաղաքը Քեմբելթաունն է, որը 18-րդ դարի կեսերից ի վեր եղել է արքայական գյուղաքաղաք։ Տարածքի տնտեսությունը երկար ժամանակ հիմնված էր ձկնորսության և անասնապահության վրա, թեպետ Քեմբելթաունը համաշխարհային հռչակ է վայելում որպես աշխարհի ամենանրբահամ վիսկի արտադրող։ Քեմբելթաունի վիսկին բազմաթիվ մրցույթների հաղթող է ճանաչվել։

Կինթայր թերակղզում գործող հասարակական տրանսպորտի բոլոր տեսակների մասին ամբողջական տեղեկատվություն կարելի է գտնել Traveline Scotland կայքում։

• Կինթայր թերակղզուց գործում են դեպի Գլազգո և հակառակ ուղղություններով ավտոբուսներ, որոնց սպասարկում է Ուեսթ Քոսթ Մոթորսը (West Coast Motors Արխիվացված 2020-11-03 Wayback Machine)՝ Սքոթիշ Սիթիլինկ ընկերության միջոցով։
• Կինթայր թերակղզում գործում են նաև ավտոբուսներ, որոնց սպասարկում է միայն Ուեսթ Քոսթ Մոթորսը (West Coast Motors Արխիվացված 2020-11-03 Wayback Machine)

• Գլազգոյի միջազգային օդանավակայանի և Քեմբելթաունի օդանավակայանի միջև գործում են կանոնավոր չվերթներ։

• Կինթայր թերակղզու ափամերձ բնակավայրերի միջև ծովային ուղևորափոխադրումներն իրականացնում է Կալեդոնյան ՄաքԲրեյն ընկերությունը՝ հետևյալ ուղղություններով
  • Քլեյոնիգ - Լոխրանձա (ամռանը)
  • Կենակրեյգ - Այլա
  • Թարբերտ - Լոխրանձա (ձմռանը)
  • Թարբերտ - Պորտովադի
  • Թեյինլոն - Գիգա
  • Քեմբելթաուն- Արդրոսան (ամռանը)
• Kintyre Express-ի կողմից
  • Քեմբելթաուն - Թրուն
  • Քեմբելթաուն- Բալիքասլ, Անթրիմի կոմսություն (Հյուսիսային Իռլանդիա)

Ներկայումս թերակղզում երկաթուղի չի գործում։ 1876 թվականից մինչև 1631 թվականը գործել է Քեմբելթաուն-Մաչռիհանիշի թեթև երկաթուղին, որը սկզբնապես կառուցվել էր ածուխ տեղափոխելու նպատակով։

• Ռոբերտ Ստյուարտ, Կինթայրի դուքս (վերացած)
• Կինթայրի և Լոռնի մարկիզ (Արգայլի դքսի մի ճյուղը)

• Կիլդոնալդ ծովածոց

• Կինթայր թերակղզու հետ առնչվող երգերից ամենահայտնին Պոլ ՄաքԿարտնիի «Mull of Kintyre» երգն է, որը թողարկվել է 1977 թվականին։ Երգը կատարել է Պոլ ՄաքԿարտնիի և նրա կնոջ՝ Լինդայի հիմնադրած «Wings» ռոք խումբը։ Երգը գովերգում է գեղատեսիլ թերակղզին, որտեղ երգիչը 1966 թվականից ի վեր Հայ Փարկ ագարակի սեփականատերն էր։ Երգը դարձավ «Wings» խմբի կատարած մեծագույն հիթը Միացյալ Թագավորությունում, որտեղ այն դարձավ Սուրբ Ծննդյան տոների առաջատար երգը և առաջին սինգլը, որի ավելի քան երկու միլիոն օրինակ վաճառվեց Միացյալ Թագավորությունում։

• Kintyre.org - Official visitor and tourist information website for Kintyre Արխիվացված 2021-06-14 Wayback Machine
• VisitKintyre.info - Web Site including webcam, accommodation, news, photo galleries etc
• KIntyre.biz - Visitor information, accommodation, photos and much more Արխիվացված 2008-09-16 Wayback Machine
• walkthekintyreway.co.uk - Guide to the long distance Kintyre Way walk Արխիվացված 2017-06-01 Wayback Machine

Վիքիպահեստն ունի նյութեր, որոնք վերաբերում են «Կինթայր թերակղզի» հոդվածին։

Թեմատիկ կայքեր GeoNames Բառարաններ և հանրագիտարաններ Բրոքհաուսի և Եփրոնի · Մեծ կատալոնական · Մեծ նորվեգական Չափորոշչային վերահսկողություն VIAF: 236365773 · WorldCat VIAF: 236365773