Ալեքսիս Ցիպրաս
| Ալեքսիս Ցիպրաս Αλέξης Τσίπρας | |||
| |||
| Ալեքսիս Ցիպրասը 2017 | |||
| |||
|---|---|---|---|
| սեպտեմբերի 21, 2015 - հուլիսի 8, 2019 | |||
| Նախորդող | Վասիլիկի Թանու-Խրիստոֆիլու (ժ.պ.) | ||
| Հաջորդող | Կիրիակոս Միցոտակիս | ||
| Կուսակցություն՝ | Ձախակողմյան արմատական կոալիցիա (ՍԻՐԻԶԱ) | ||
| Կրթություն՝ | Հունաստանի ազգային պոլիտեխնիկական համալսարան | ||
| Մասնագիտություն՝ | ինժեներ | ||
| Ազգություն | հույն | ||
| Դավանանք | աթեիզմ | ||
| Ծննդյան օր | հուլիսի 28, 1974[1][2] (50 տարեկան) | ||
| Ծննդավայր | Աթենք, Հունաստան | ||
| Քաղաքացիություն |  Հունաստան
| ||
| Ի ծնե անուն | հուն․՝ Αλέξης Τσίπρας | ||
| Ամուսին | Բեթի Բատզիանա | ||
| Ինքնագիր | 
| ||
| Պարգևներ | |||
Ալեքսիս Ցիպրաս (հուն․՝ Αλέξης Τσίπρας, հուլիսի 28, 1974[1][2], Աթենք, Հունաստան), հույն պետական և քաղաքական գործիչ, որը 2015 թվականից ի վեր զբաղեցնում է Հունաստանի Հանրապետության վարչապետի պաշտոնը[5]։ 2009 թվականից ի վեր վերջինս ղեկավարում է նաև «Ձախակողմյան արմատական կոալիցիա» կուսակցությունը։
Ծնվել է 1974 թվականին Աթենքում։ 1980-ական թվականների վերջին Ցիպրասը սկսում է անդամակցել Հունաստանի կոմունիստական կուսակցության երիտասարդական թևին։ 1990-ականներին ներքաշվում է կրթական բարեփոխումների դեմ ուղղված ուսանողական ցույցերի մեջ՝ դառնալով շարժման խոսնակը։ 2000 թվականին ավարտել է Հունաստանի ազգային պոլիտեխնիկական համալսարանի շինարարության բաժինը, որից հետո ստացել քաղաքային և տարածաշրջանային նախագծում մասնագիտության ասպիրանտի աստիճան։ Այնուհետև, Աթենքում աշխատելի է որպես շինարարական ոլորտի ինժեներ։
1999-2003 թվականներին եղել է «Սինասպիսմոս» երիտասարդական կազմակերպության քարտուղար։ Շուտով ընտրվում է Սինասպիսմոսի կենտրոնական կոմիտեի անդամ, իսկ ավելի ուշ՝ 2004 թվականին՝ քարտուղարության անդամ։ Աթենքի քաղաքապետի ընտրություններին ընդառաջ՝ 2006 թվականին, Ցիպրասը առաջադրվում է որպես «Ձախակողմյան արմատական կոալիցիա» կուսակցության թեկնածու և հաղթանակ տանում՝ առաջ անցնելով իր կուսակից ընկեր Ալեկոս Ալավանոսից։ 2009 թվականին Ալեքսիս Ցիպրասն ընտրվել է Հունաստանի խորհրդարանի պատգամավոր՝ «Աթենք Ա» ընտրատարածքից։ 2012 թվականին վերընտրվել է՝ դառնալով ընդդիմության առաջնորդ։ Այդ ընթացքում նա ձևավորել է իր ստվերային կաբինետ։
2015 թվականի հունվարին Ալեքսիս Ցիպրասը՝ «Սիրիզա» կուսակցության հետ միասին, հաղթանակ է տանում արտահերթ խորհրդարանական ընտրություններում՝ դաշինք կազմելով «Անկախ հույներ» կուսակցության հետ։ Արդյունքում, վերջինիս ղեկավարած քաղաքական ուժը զբաղեցնում է Հունաստանի խորհրդարանի 300 մանդատներից 149-ը։ Վարչապետի պաշտոնում յոթ ամիս պաշտոնավարելուց հետո Ցիպրասը հրաժարական է տալիս և կոչ անում արտահերթ ընտրություններ անցկացնել հաջորդ ամիս։ 2015 թվականի սեպտեմբերին կայացած վարչապետի ընտրություններում Ցիպրասը տանում է բացարձակ հաղթանակ՝ հաջորդիվ վերականգնելով «Անկախ հույներ»-ի հետ կոալիցիոն դաշինքը։ Վարչապետի պաշտոնավարման ընթացքում նա բանակցություններ է վարում Հունաստանի կառավարության պարտքային ճգնաժամի վերաբերյալ և արձագանքում Եվրոպայի միգրացիոն ճգնաժամին։ 2015 թվականին Ալեքսիս Ցիպրասը «Time» ամսագրի կողմից ճանաչվել է որպես աշխարհի հարյուր ամենաազդեցիկ մարդկանցից մեկը[6]։ Ըստ մի շարք հետազոտությունների, Ցիպրասի իշխանությունը Հունաստանում այնքան էլ լեգիտիմ չէ[7]։
Վաղ տարիներ
[խմբագրել | խմբագրել կոդը]Ալեքսիս Ցիպրասը ծնվել է 1974 թվականի հուլիսի 28-ին Հունաստանի մայրաքաղաք Աթենքում։ Վերջինիս ընտանիքն արմատներով Արևելյան Թրակիայի Բաբաեսկի գյուղից է (Թուրքիայի Քըրքլարելիի մարզ)։
Վերջիններս Աթենքում հաստատվել են 1923 թվականին՝ հույն-թուրքական բնակչության փոխանակության հետևանքով։ Ալեքսիսի հայրը՝ Պավլոսը, ծնվել է Էպիրոսում և զբաղվել հասարակական աշխատանքով, իսկ մայրը եղել է Էլևթերուպոլիսից։ 1980-ական թվականների վերջին Ցիպրասը միանում է Հունաստանի կոմունիստական կուսակցության երիտասարդական թևին։ 1990-ականների սկզբին, որպես Ամպելոկիպոյի ավագ դպրոցի ուսանող, սկսել է ծավալել ակտիվ քաղաքական գործունեություն՝ դառնալով ուսանողական ապստամբության շարժման ղեկավար։ Երիտասարդների դժգոհության պատճառը Հունաստանի կրթության նախարար Վասիլիս Կոնտոյանոպուլոսի ընդունած հակասական օրենքներն ու որոշումներն էին։ Ցիպրասը հատկապես մեծ հայտնիություն է ձեռք բերում լրագրող Աննա Պանայոտարեային տված քննադատական հարցազրույցից հետո։
1996 թվականին Ալեքսիսն ընդունվում է Հունաստանի պոլիտեխնիկական համալսարանի քաղաքացիական շինարարության բաժին, որն էլ գերազանցությամբ ավարտել է 2000 թվականին։ Մի քանի տարի անց ստանում է քաղաքային և տարածաշրջանային նախագծում մասնագիտության ասպիրանտի աստիճան։ Ասպիրանտուրայում սովորելու տարիներին Ալեքսիսը շինարարական կազմակերպությունում զուգահեռաբար աշխատել է նաև ինժեներ։ Այս տարիներին կատարել է Աթենքի մասին բազմաթիվ ուսումնասիրություններ և հետազոտություններ, որի արդյունքում էլ գրել է գիտական աշխատություններ։
Ծանոթագրություններ
[խմբագրել | խմբագրել կոդը]- ↑ 1,0 1,1 Բրոքհաուզի հանրագիտարան (գերմ.)
- ↑ 2,0 2,1 Munzinger Personen (գերմ.)
- ↑ https://www.securityconference.de/de/news/article/ewald-von-kleist-preis-an-alexis-tsipras-und-zoran-zaev-verliehen/
- ↑ https://www.wirtschaftliche-gesellschaft.de/?id=280
- ↑ «Ի՞նչ պետք է իմանալ Ալեքսիս Ցիպրասի մասին՝ հույն առաջնորդի, որը ցանկանում է փոխել Եվրոպան». Հուֆինգթոնի փոստ. 2015 թ․ հունվարի 26.
- ↑ «Time 100՝ Ալեքսիս Ցիպրաս, աշխարհի ամենաազդեցիկ դեմքերը time.com». Alexis Tsipras | TIME. 2015 թ․ ապրիլի 16.
- ↑ «Հունաստանի մերօրյա ղեկավարությունը». 2017 թ․ մայիսի 23. Վերցված է 2018 թ․ մայիսի 17-ին.
 | Վիքիպահեստն ունի նյութեր, որոնք վերաբերում են «Ալեքսիս Ցիպրաս» հոդվածին։ |
| ||||||||||||||||||||||||
