Ադելի երկիր (ֆր.՝ Terre Adélie), անմարդաբնակ տարածք Անտարկտիդայում[1]։ Պատկանում է Ֆրանսիային։ Հյուսիսում Ադելի երկրի ափերը ողողվում են Դյուրվիլի ծովի ջրերով։ Հայտնագործել է ֆրանսիացի ծովագնաց Ժյուլ Դյումոն դ'Յուրվիլը (Դյուրվիլ) 1837 թվականին և իր կնոջ պատվին անվանել Terre Adelie (ֆրանս. terre «երկիր»)[2]։ Տեղանքում մշտապես գործում են ֆրանսիական հետազոտական կայանները։ Ադելի երկրի ափագծերի ընդհանուր երկարությունը 350 կմ է, իսկ ընդհանուր տարածքը՝ 432.000 կմ2։ Տարածքի 95%-ը սառցապատ է։ Այստեղ տարածված է պինգվինների մի տարատեսակ, որին տրվել է Ադելի պինգվին անվանումը։
Ադելի երկրում ֆրանսիական առաջին հետազոտական կայանն ստեղծվել է 1950 թվականի ապրիլի 9-ին և անվանվել Պորտ Մարտին (66°49′04″ հվ. լ. 141°23′39″ ավ. ե.HGЯOL): 1950-1951 տարեշրջանում այդտեղ ապրել ու աշխատել է 11, 1951-1952 տարեշրջանում՝ 17 հետազոտող գիտնականներից բաղկացած անձնակազմ[3]։ 1952 թվականի հունվարի 22-23-ին այն դարձել է հրո ճարակ։
Ադելի երկրում գործող հետազոտական կայանների մասին է պատմում 2005 թվականին նկարահանված «Պինգվինների քայլերթը» («March of the Penguins») վավերագրական կինոնկարը[4]։
↑Dunmore, John (2007). From Venus to Antarctica: The Life of Dumont D'Urville. Auckland: Exisle Publ. էջ 209. ISBN9780908988716.
↑«Fire destroys station in Antarctica, French expedition's loss». The Times. 1952 թ․ հունվարի 26.
↑«The Emperor's Close-Up». National Geographic's Adventure. National Geographic Society. 2007. Արխիվացված է օրիգինալից 2013 թ․ հունիսի 5-ին. Վերցված է 2013 թ․ մայիսի 29-ին.
Ֆրանսիա
