Զինանշանագիտություն կամ գերբագիտություն, հերալդիկա, պատմագիտության օժանդակ մասնաճյուղ։ Ուսումնասիրում է գերբերն ու զինանշանները իբրև սկզբնաղբյուրներ։ Նպաստում է ձեռագրերի, զինանշան կրող հուշարձանների, արվեստի և այլ առարկաների ծագման, պատկանելության, ժառանգման ճանապարհի, տնտեսական մշակութային կապերի պարզաբանմանը։ Իբրև գիտաճյուղ կապված է սերնդաբանության, դրամագիտության, հնագրության, կնքագիտության հետ։ Զինանշանագիտության տվյալները օգտագործվում են պատմական գիտության տարբեր բնագավառներում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 29)։
