Habrovany u Řehlovic

Habrovany

DEC
Wopon
Zakładne daty
stat	Čěska
kraj	Wusće
okres	Ústí nad Labem
wysokosć	238 metrow n.m.hł.
přestrjeń	2,82 km²
wobydlerstwo	215 (1. jan 2018)[1]
hustosć zasydlenja	76 wob. na km²
póstowe čisło	400 02
awtowa značka	U
adresa	Habrovany 48 400 02 Ústí nad Labem 2
webstrona	mesta.obce.cz/habrovany
Połoženje we wokrjesu Ústí nad Labem
p • d • w

Habrovany (němsce Habrowan) su gmejna na sewjeru Čěskeje. Nadeńdźe so wósom kilometrow juhozapadnje Wusćow a słuša k Wusćanskemu wokrjesej.

Habrovany leža zapadnje Łobja w Čěskich srjedźnych horinach při wuliwje rěčki Záhořský potok do Radejčínskeho potoka. Sewjernje pozběhuje so Volská hora (309 m), na sewjerowuchodźe hora Na Kamenech (451 m), wuchodnje Smrčník (368 m) a Dubický kopec (358 m), na juhowuchodźe Výsluní (364 m) a Debus (395 m), južnje Radejčín (329 m) a Kletečná (710 m). Zapadnje wsy běži awtodróha D 8.

Susodne wsy su Koštov na sewjeru, Suchá a Stebno na sewjerowuchodźe, Moravany, Dubice a Dubičky na wuchodźe, Radejčín na juhowuchodźe, Kletečná a Záhoří na juhu, Žim a Bořislav na juhozapadźe, Žalany, Vrahožily a Brozánky na zapadźe kaž tež Řehlovice, Pelikánův Mlýn, Hliňany a Stadice na sewjerozapadźe.

Habrovany słušeše wot 1341 do 1383 k wobsydstwu Thima II. z Colditza na Krupce. Pozdźišo so wjeska rozdźěli a słušeše zwjetša benediktinskemu klóštrej Teplice a po jeho rozpadźe w Husitiskich wójnach k Tepličanskemu knjejstwu.

Gmejna Habrowan měješe w lěće 1930 256 wobydlerjow, kiž běchu zwjetša Němcy. Po Mnichowskim zrěčenju přińdźe gmejna w lěće 1938 k Němskemu mócnarstwu. Po Druhej swětowej wójnje bu němske wobydlerstwo wućěrjene.

Gmejna Habrovany oficielnje žane gmejnske dźěle nima.

• kapałka knježnje Marije, natwarjena 1840

1. ↑ Český statistický úřad – Ličny wobydlerstwa čěskich gmejnow dnja 1. januara 2018 (PDF; 421 KiB)

 Commons: Habrovany – Zběrka wobrazow, widejow a awdiodatajow