Vengali ñe'ẽ
| Vengali ñe'ẽ | ||
|---|---|---|
| Yvy henda oĩva: | Vangyladẽ retã ha henondépe. | |
| Tetãnguéra: | — | |
| Máva oñe'ẽva: | Haimete 220.000.000 | |
| Filiación genética: | — | |
| Subdivisiones: | — | |
| ISO 639-1 | — | |
| ISO 639-2 | — | |
| ISO 639-3 | — | |
 Vengali ñe'ẽ renda.
| ||
|
| ||
Vengali ñe'ẽ (bɛŋˈɡɔːli)[1] térã Vangla (bɑːŋlɑː, বাংলা Vangla baŋla) ha'e ku ñe'ẽ tee Vangyladẽ retãme, ñe'ẽ tee tenda oñeñe'ẽháme India retãme, Indoeuropa ñe'ẽ.
Vengali ha'e tetã ñe'ẽ ha ñe'ẽ tee Vangyladẽ retãme, oñemboherahápe vangla. Ñe'ẽnguéra ypykuegua ndojehechakuaái tembiapoukapýpe.
Vengali, orijañe'ẽ ha asames ndive, ha'e ñe'ẽnguéra oúva prákrito magahi-gui, Vúda ñe'ẽ. Kuatiañe'ẽ oĩva vengali ymaguarépe (iñarangéva ary 1000 ha 1400-rupi) oguerekóva ijapytépe purahéi Vúda-pe ha tántriko. Vengali agãguápe ojejapo heta ñe'ẽporãhaipyre ikatupyry ha iporãva.
Vengali-pe, maratiñe'ẽme guáicha avei, ikatu jahechakuaa ojehe'aha hese heta hendápe sánskrito, ñe'ẽ India-gua ymaguaréva. Hákatu, hindi ñe'ẽ ha penyavi ñe'ẽ rehe ojehe'ave pérsañe'ẽ ha áraveñe'ẽ.
Umi tenda oñeñe'ẽháme vengali jahechakuaa oguereko rupi hetaiterei tapichakuéra oikóva ipype. Umi 180.000.000 tapichakuéra oñe'ẽ tapiáva rire, oĩ avei amo 40.000.000 tapichakuéra oiporúva iñe'ẽ mokõiháramo.
Pe ñe'ẽ ñemohenda ojehecha porãvéva ohechakuaa irundy aty oñemomba'e guasuvéva: radh, vanga, kamarupa ha varendra.
Ñe'ẽnungakuéra radh-gui (ñemby-kuarahyreikegua) ojeiporuva'ekue ojejapo haguã vengali ãgagua, ojeiporúva India-pe ha Vangyladẽ-pe avei.[2]
Mandu'apy
[jehaijey | emoambue kuatia reñoiha]- ↑ Laurie Bauer, 2007, The Linguistics Student’s Handbook, Edinburgh
- ↑ http://www10.gencat.net/pres_casa_llengues/AppJava/frontend/llengues_detall.jsp?id=521&idioma=10
Joaju
[jehaijey | emoambue kuatia reñoiha]Wikimedia Commons oguereko ta'ãnga Vengali ñe'ẽ reheguaCommons.
- Biswas, Sailendra. Samsada Bangala abhidhana.
