Olga Constantinovna de Rusia

A Súa Maxestade
Olga Constantinovna de Rusia
	;
Biografía
Nacemento	3 de setembro de 1851 ; Pavlovsk, Rusia (en)
Morte	18 de xuño de 1926 (74 anos); Roma (Reino de Italia)
Lugar de sepultura	Florencia ; Cemiterio Real de Tatoi
Regent of Greece (en)
Datos persoais
Relixión	Cristianismo ortodoxo
Cor dos ollos	Azul
Actividade
Campo de traballo	Goberno
Lugar de traballo	Atenas
Ocupación	consorte, trabalhador em organização de caridade (pt) , aristócrata, filántropa
Carreira militar
Rango militar	almirante
Outro
Título	Gran Duquesa ; Raíña ; Queen consort of Greece (en)
Familia	Casa de Holstein-Gottorp-Romanov
Cónxuxe	Xurxo I de Grecia (1867–1913)
Fillos	Constantino I de Grecia, Jorge da Grécia e Dinamarca, Alexandra Georgievna da Grécia e Dinamarca, Nicolau da Grécia e Dinamarca, Maria da Grécia e Dinamarca, Princess Olga of Greece and Denmark, Príncipe André da Grécia e Dinamarca, Cristóvão da Grécia e Dinamarca
Pais	Constantino Nikolaevich de Rusia e Alexandra Iosifovna
Irmáns	Vera Constantinovna da Rússia; Vyacheslav Constantinovich da Rússia; Demetrio Constantinovich de Rusia; Constantino Constantinovich da Rússia; Nicolau Constantinovich da Rússia
Premios
	Gran Cruz da Orde do Salvador; Dame of the Order of Queen Maria Luisa (en) ; Dame Grand Cordon of the Order of Saint Catherine (en) ;
	Sinatura
Descrito pola fonte	Enciclopedia militar Sytin; Novo Dicionario Enciclopédico, 1911-1916; Dicionario Enciclopédico Brockhaus e Efron

A Gran Duquesa Olga Constantinovna de Rusia (en ruso: Великая Княжна Ольга Константиновна). Nada o 3 de setembro de 1851 e finou o 18 de xuño de 1926. Foi a Raíña Consorte de Grecia durante o reinado de Xurxo I de Grecia, e rexente de Grecia en 1920. É a avoa de Filipe, duque de Edimburgo e marido da raíña Isabel II.

Vida

Mocidade

Naceu en Pavlovsk e foi filla do Gran Duque Constantino Nikolaevich de Rusia e da Gran Duquesa Alexanda Iosifovna, foi neta do tsar Nicolao I de Rusia e prima de Alexandre III de Rusia. O rei de Grecia, Xurxo I visitou Rusia en 1863 para agradecer ó seu tío Alexandre II o seu apoio na súa elección para o trono de Rusia. Foi neste momento cando Olga coñeceu o seu futuro marido.

Xurxo volveu visitar Rusia outra vez no 1867, para reunirse coa súa irmá Dagmar, que casara co seu primo Alexandre III un ano antes. Olga e Xurxo namoráronse e casaron o 27 de outubro de 1867, cando ela tiña 16 anos. A raíña Olga era unha descendente directa da Emperatriz Bizantina Euphrosyne Doukaina Kamatera (1155–1211), consorte do Emperador Alexios III Angelos que reinou entre 1195-1203.

Raíña de Grecia

Olga foi moi popular en Grecia e estivo moi envolta nas tarefas de caridade, traballando tanto no Hospital Evangelismos, o máis grande de Grecia, e no Hospital Ruso en Piraeus. No 1898, insistiu en seguir coas súas tarefas sen protección militar, incluso despois de que dispararan ó seu marido e a súa filla.

Rexente de Grecia

Cando o seu neto Alexandre I finou o 25 de outubro de 1920, o goberno grego ofreceulle o trono o seu irmán, Paulo. Este rexeitou o cargo, alegando que o seu pai Constantino e o seu irmán Xurxo aínda vivían. O goberno nomeou entón como rexente a Olga, que estivo no cargo ata que o seu fillo Constantino volveu ó trono de Grecia tras un plebiscito.

Finou en Roma, onde vivía a familia real grega no exilio, coa restauración da monarquía en Grecia (1935) foi trasladada a Tatoi o 17 de novembro de 1936.

Descendencia

Olga e Xurxo tiveron oito fillos:

Constantino (1868–1923), quen sucedeu ó seu pai como rei;
Xurxo (1869–1957);
Alexandra (1870–1891), casada co Gran Duque Paulo Alexandrovich de Rusia. Nai de Dimitri Pavlovich Romanov, asasino de Grigori Rasputín;
Nicolao (1872–1938), casado coa Gran Duquesa Helena Vladimirovna de Rusia;
María (1876–1940), casada co Gran Duque Xurxo Mikhailovich de Rusia e despois con Pericles Ioannides;
Olga (7 de abril de 1880-2 de novembro de 1880);
Andreas (1882–1944), pai do Príncipe Filipe, duque de Edimburgo;
Cristovo (1888–1940).