X-Men: Days of Future Past

X-Men: Days of Future Past
Logo do filme.
Ficha técnica
Título orixinal	X-Men: Days of Future Past
Director	Bryan Singer
Produtor	Lauren Shuler Donner Bryan Singer Simon Kinberg Hutch Parker
Guión	Simon Kinberg
Baseado en	"Days of Future Past" de Chris Claremont e John Byrne
Intérpretes	Hugh Jackman James McAvoy Michael Fassbender Jennifer Lawrence Halle Berry Anna Paquin Ellen Page Peter Dinklage Ian McKellen Patrick Stewart
Música	John Ottman
Fotografía	Newton Thomas Sigel
Montaxe	John Ottman
Estudio	20th Century Fox Marvel Entertainment Bad Hat Harry Productions The Donners' Company TSG Entertainment
Distribuidora	20th Century Fox
Estrea	Javits Center 10 de maio de 2014 Reino Unido 22 de maio de 2014 Estados Unidos 23 de maio de 2014
Duración	131 minutos[1]
Orixe	Estados Unidos Reino Unido
Xénero	Acción, fantasía
Orzamento	$200 000 000[2]
Recadación	$746 000 000
Filme anterior	X-Men: First Class
Filme seguinte	X-Men: Apocalypse
Na rede
http://www.x-menmovies.com

X-Men: Days of Future Past é un filme de superheroes dirixido por Bryan Singer que se estreou no 2014. Baséase nos personaxes ficticios de X-Men que aparecen en Marvel Comics. É o sétimo filme sobre os X-Men e é unha secuela tanto de X-Men: The Last Stand (2006) como de X-Men: First Class (2011). A historia, inspirada na trama de 1981 "Days of Future Past" creada por Chris Claremont e John Byrne, céntrase en dous períodos temporais e na viaxe de Lobeto a 1973 para salvar o futuro da humanidade. Neste filme actúan actores como Hugh Jackman, James McAvoy, Michael Fassbender, Jennifer Lawrence, Halle Berry, Anna Paquin, Ellen Page, Nicholas Hoult, Shawn Ashmore, Peter Dinklage, Ian McKellen e Patrick Stewart. Simon Kinberg escribiu o guión a partir dunha historia concibida por el, Matthew Vaughn e Jane Goldman.

Trátase dunha coprodución británico-estadounidense cun orzamento de $200 millóns. A rodaxe comezou en Montreal, Canadá, en abril de 2013 e rematou en agosto do mesmo ano. A estrea fíxose na cidade de Nova York o 20 de maio de 2014, e nos cines o 23 de maio.

X-Men: Days of Future Past recibiu boas críticas, converténdose no mellor valorado da serie X-Men. Salientan o seu fresco estilo visual e a súa trama. Tamén é o filme con maior recadación da serie, con $736 millóns en todo o mundo. A súa secuela, X-Men: Apocalypse, estreouse no 2016, con Singer como director.

Os X-Men loitan pola supervivencia dos mutantes nunha guerra que se desenvolve en épocas diferentes. Os personaxes da triloxía cinematográfica orixinal de “X-Men” unen as súas forzas ás que eles mesmos posuían no pasado, cando eran máis novos , para cambiar un importante acontecemento histórico e librar unha épica batalla que podería salvar o futuro.

• Hugh Jackman como Lobeto; un mutante con curación acelerada, sentidos agudizados e esqueleto e gadoupas de adamantium.^[3][4]
• James McAvoy e Patrick Stewart como Charles Xavier / Profesor X; o telépata máis poderoso do mundo.^[5]
• Michael Fassbender e Ian McKellen como Erik Lehnsherr / Magneto; o mestre do mangetismo e "un dos máis poderosos mutantes da Terra."^[6]
• Jennifer Lawrence como Raven Darkhölme / Mystique; unha mutante coa capacidade de cambiar de aparencia.^[7]
• Halle Berry como Ororo Munroe / Storm
• Nicholas Hoult e Kelsey Grammer como Hank McCoy / Beast
• Anna Paquin como Marie / Rogue
• Ellen Page como Kitty Pryde
• Peter Dinklage como Bolivar Trask
• Shawn Ashmore como Bobby Drake / Iceman
• Omar Sy como Bishop
• Daniel Cudmore como Peter Rasputin / Colossus
• Evan Peters como Peter Maximoff / Quicksilver
• Fan Bingbing como Blink
• Adan Canto como Sunspot
• Booboo Stewart como Warpath
• Josh Helman como Maior William Stryker

Famke Janssen e James Marsden retoman os seus papeis como Jean Grey e Cyclops respectivamente nun cameo do filme.^[8] Lucas Till aparece no seu papel de Alex Summers / Havok.^[9] Evan Jonigkeit interpreta a Toad.^[10]

• X-Men: Days of Future Past na IMDb (en inglés).
• Ficha en AllMovie (en inglés)
• Ficha en BoxOfficeMojo (en inglés)
• Ficha en RottenTomatoes (en inglés)