Veronica Lake

Veronica Lake

Biografía
Nacemento	(en) Constance Frances Marie Ockelman 14 de novembro de 1922 Brooklyn, Estados Unidos de América
Morte	7 de xullo de 1973 (50 anos) Burlington, Estados Unidos de América
Causa da morte	Hepatite insuficiencia renal
Educación	Miami High School (en) Universidade McGill
Actividade
Ocupación	actriz, actriz de televisión, modelo, actriz de teatro, aviadora, actriz de cinema
Período de actividade	1939 - 1970
Familia
Cónxuxe	André de Toth (1944–1952) John S. Detlie (1940–1943)
Premios
estrela no Paseo da Fama de Hollywood
Descrito pola fonte	Obálky knih,

Constance Frances Marie Ockelman, nada en Nova York o 14 de novembro de 1922 e finada en Burlington (Vermont) o 7 de xullo de 1973, foi unha actriz estadounidense coñecida como Veronica Lake.

Despois de varias mudanzas, a familia marchou a Beverly Hills en 1938, onde Veronica comezou a estudar interpretación. Os seus primeiros papeis no cinema foron como extra, sendo o seu primeiro filme Sorority House, de John Farrow, que foi quen notou que o seu cabelo sempre cubría o seu ollo dereito. Destacou por primeira vez nun pequeno papel en Forty Little Mothers e conseguiu un contrato coa Paramount Pictures.

A partír de entón participou en filmes moi populares, sendo nuns anos da década de 1940 unha das actrices máis comerciais de Hollywood. Especialmente coñecidos foron os seus traballos con Alan Ladd, co que a emparellaron debido a curta estatura de ambos.

Durante a segunda guerra mundial o goberno pediulle que cambiase o seu peiteado para axudar a que as mulleres que estaban a traballar nas fábricas levasen un peiteado máis práctico e seguro. Aínda que se reduciron os accidentes tamén decaeu a carreira cinematográfica de Lake.

Durante a súa carreira tivo fama de ser complicado traballar con ela e a mediados da década de 1940 comezou a abusar do alcohol. En 1948 a Paramount decidiu non renovar o seu contrato. En 1951 apareceu nun último filme e ese mesmo ano ela e o seu marido, André de Toth, declaráronse en bancarrota. Lake fixo algúns traballos no teatro e na televisión.

Tras o seu divorcio, viviu en hoteis baratos de Nova York e foi arrestada varias veces por embriaguez. En 1962 un xornalista do New York Post descubriuna traballando de camareira nun hotel de Manhattan.

En 1969 publicou a súa autobiografía, Veronica: The Autobiography of Veronica Lake. Co diñeiro gañado con ela produciu o seu último filme, unha película de terror de pouco orzamento titulada Flesh Feast.

Finou en 1973 de hepatite aguda e dano renal.

Wikimedia Commons ten máis contidos multimedia na categoría:  Veronica Lake

• Bloomfield, Gary L.; Shain, Stacie L.; Davidson, Arlen C. (2004). Globe Pequot, ed. Duty, Honor, Applause: America's Entertainers in World War II. ISBN 1-59228-550-3. 
• Burroughs Hannsberry, Karen (2009). McFarland, ed. Femme Noir: Bad Girls of Film. ISBN 0-786-44682-X. 
• Chierichetti, David (2004). HarperCollins, ed. Edith Head: The Life and Times of Hollywood's Celebrated Costume. ISBN 0-06-056740-6. 
• Donnelley, Paul (2003). Omnibus Press, ed. Fade To Black: A Book of Movie Obituaries. ISBN 0-7119-9512-5. 
• Hare, William (2008). McFarland & Company, ed. L.A. Noir: Nine Dark Visions of the City of Angels. ISBN 978-0786437405. 
• Hiney, Tom (1999). Grove Press, ed. Raymond Chandler: A Biography. ISBN 0-8021-3637-0. 
• Hischak, Thomas S. (2011). McFarland & Company, ed. Disney Voice Actors: A Biographical Dictionary. ISBN 978-0786462711. 
• Parish, James Robert (2001). Contemporary Books, ed. The Hollywood Book of Death: The Bizarre, Often Sordid, Passings of More than 125 American Movie and TV Idols. ISBN 0-8092-2227-2. 
• Parish, James Robert; Pitts, Michael R. (2003). Taylor & Francis, ed. Hollywood Songsters: Singers Who Act and Actors Who Sing: A Biographical Dictionary. ISBN 0-415-94333-7. 
• Starr, Kevin (2003). Oxford University Press, ed. Embattled Dreams: California in War and Peace, 1940-1950. ISBN 0-19-516897-6. 
• Terkel, Studs (1999). The New Press, ed. The Spectator: Talk About Movies and Plays With Those Who Made Them. ISBN 1-565-84553-6. 

• Veronica Lake na IMDb (en inglés).