Timothy Hutton

Timothy Hutton

(2006)
Biografía
Nacemento	(en) Timothy Tarquin Hutton 16 de agosto de 1960 (64 anos) Malibú, Estados Unidos de América
Educación	Fairfax High School (en)
Lateralidade	destro
Actividade
Ocupación	actor, actor de cinema, guionista, actor de televisión, director de cinema, produtor de cinema
Período de actividade	1965 -
Membro de	masonaría
Familia
Cónxuxe	Aurore Giscard d'Estaing (2000–2009) Debra Winger (1986–1990)
Parella	Demi Moore
Pais	Jim Hutton   e Maryline Pool
Parentes	Valéry Giscard d'Estaing
Premios
(1981)  Globo de Ouro ao mellor actor secundario, premiado polo traballo Ordinary People (1981)  Globo de Ouro á nova estrela do ano - Actor (1980)  Óscar ó mellor actor secundario, premiado polo traballo Ordinary People
Descrito pola fonte	Obálky knih,

Timothy Tarquin Hutton, nado en Malibú (California) o 16 de agosto de 1960, é un actor e director estadounidense. Con vinte anos gañou o Oscar ao mellor actor secundario, sendo o actor máis novo en logralo.

Timothy Hutton naceu en Malibú, fillo do actor Jim Hutton e da profesora Maryline Adams (nada Poole). Os seus pais divorciáronse cando Hutton tiña tres anos e a súa nai levouno a el a súa irmá máis vella, Heidi (nada en 1959) con ela a Boston. A familia volveu a California cando Hutton tiña doce anos.

En 1976, aos dezaseis anos, Hutton buscou o seu pai e mudouse con el aos Ánxeles. No instituto, mentres interpretaba a Nathan Detroit nunha produción escolar de Guys and Dolls decatouse de que quería ser actor e comezou a súa carreira na televisión.^[1]

Tras varios telefilmes debutou no cinema na longametraxe Xente corrente (1980), pola que gañou o Oscar ao mellor actor secundario. Dedicou o premio ao seu pai, que morrera de cancro o 2 de xuño de 1979 aos corenta e cinco anos.

O seu seguinte filme, Máis alá do honor (con George C. Scott, Sean Penn, e Tom Cruise), foi popular entre o público e a crítica, mais durante varios anos os seus filmes foron fracasos, agás The Falcon and the Snowman (1985), de novo con Sean Penn.

En 1989 debutou en Broadway con Elizabeth McGovern na obra Love Letters, de A.R. Gurney.

A finais da década de 1980 e durante os noventa, Hutton interpretou papeis pequenos en filmes como French Kiss ou Beautiful Girls. Continuou ademais na televisión, con series como American Crime.^[2]

Wikimedia Commons ten máis contidos multimedia na categoría:  Timothy Hutton

• Timothy Hutton na IMDb (en inglés).
• Páxina oficial