The Shining

The Shining
Logo do filme.
Ficha técnica
Título orixinal	The Shining
Director	Stanley Kubrick
Produtor	Robert Fryer Jan Harlan Mary Lea Johnson Stanley Kubrick Martin Richards
Guión	Stanley Kubrick Diane Johnson
Baseado en	The Shining de Stephen King
Intérpretes	Jack Nicholson Shelley Duvall Danny Lloyd Scatman Crothers Barry Nelson Philip Stone Joe Turkel Lia Beldman Billie Gibson Barry Denne David Baxt Manning Redwood Kisa Burns Louise Burns Alison Coleridge Norman Gay
Música	Wendy Carlos
Fotografía	John Alcott
Montaxe	Ray Lovejoy
Estudio	Producers Circle Perrigrine Productions
Distribuidora	Warner Bros. Pictures
Estrea	23 de maio de 1980 7 de novembro de 1980
Duración	146 minutos (Estrea) 144 minutos (USA)[1] 119 minutos (Europa)[2]
Orixe	Estados Unidos Reino Unido
Xénero	Terror
Orzamento	$19 000 000[3]
Recadación	$44 400 000 (Norte América)
Filme seguinte	Doctor Sleep
Na rede

The Shining é un filme de terror psicolóxico producido e dirixido por Stanley Kubrick que se estreou en 1980. Foi coescrito polo novelista Diane Johnson e baséase na novela homónima de Stephen King The Shining, malia que a historia difire en varios aspectos.^[4] Está protagonizado por Jack Nicholson, Shelley Duvall, Danny Lloyd e Scatman Crothers.

No filme, Jack Torrance, un escritor e ex-alcohólico, consegue un traballo como vixilante fóra de tempada no illado Hotel Overlook. O seu fillo posúe poderes psíquicos e é quen de ver cousas do pasado e do futuro, como as pantasmas de persoas que habitaron no hotel. Pouco despois de chegar, a familia queda atrapada no hotel por unha xistra, e Jack vaise vendo influenciado por unha presenza sobrenatural, volvéndose tolo pouco a pouco, e ó cabo tenta asasinar a súa familia.

Ó contrario que os filmes previos de Kubrick, que se difundiron no público a través do boca a boca, The Shining foi lanzado coma un filme de mercado masivo, estreándose primeiro só en dúas cidades no Memorial Day, e un mes despois a nivel nacional.^[5] Malia que a resposta inicial do filme foi variada, a crítica acabou sendo moi favorable e hoxe está considerado entre un dos mellores filmes de terror, e entre algúns está considerado un dos mellores filmes de tódolos tempos. O director de cine Martin Scorsese, escribindo para o The Daily Beast, clasificouno como un dos 11 filmes máis arrepiantes de toda a historia.^[6] Os críticos, os estudantes de cine e o produtor de Kubrick Jan Harlan, subliñaron a súa enorme influencia na cultura popular.^[7][8][9]

A primeira estrea europea de The Shining era 25 minutos máis curta que a versión americana, xa que se eliminaron moitas das escenas que tiñan lugar nos exteriores do hotel.

Jack Torrance trasládase coa súa muller e o seu fillo de sete anos ó hotel Overlook, en Colorado, para encargarse do mantemento das instalacións durante a tempada de inverno, época na que resta pechado e illado pola neve. O seu obxectivo é atopar paz e sosego para escribir unha novela. Pero pouco despois da súa chegada ó hotel, ó mesmo tempo que Jack comeza a padecer desconcertantes trastornos de personalidade, comezan a producirse fenómenos paranormais relacionados cos anteriores vixilantes do hotel.

• Jack Nicholson como Jack Torrance
• Shelley Duvall como Wendy Torrance
• Danny Lloyd como Danny Torrance
• Scatman Crothers como Dick Hallorann
• Barry Nelson como Stuart Ullman
• Philip Stone como Delbert Grady
• Tony Burton como Larry Durkin

Wikimedia Commons ten máis contidos multimedia na categoría:  The Shining

• The Shining na IMDb (en inglés).
• Ficha en BoxOfficeMojo (en inglés)
• Ficha en RottenTomatoes (en inglés)