Ruth Rendell

Ruth Rendell

(1985)
Biografía
Nacemento	17 de febreiro de 1930 Londres, Reino Unido
Morte	2 de maio de 2015 (85 anos) Londres, Reino Unido
Causa da morte	ictus
Membro da Cámara dos Lords
24 de outubro de 1997 – 2 de maio de 2015 (finado no cargo)
Xuíza do Premio Booker
Datos persoais
Residencia	Suffolk Londres
Actividade
Campo de traballo	Literatura
Lugar de traballo	Londres
Ocupación	política, escritora, guionista, novelista, autora
Período de actividade	1962 -
Partido político	Partido Laborista
Membro de	Real Sociedade de Literatura
Xénero artístico	Ficção policial (pt) e mistério (pt)
Influencias	Dorothy L. Sayers, Patricia Highsmith, Sheridan Le Fanu (pt) , Agatha Christie e M. R. James (pt)
Pseudónimo literario	Barbara Vine
Obra
Obras destacables (1964) From Doon with Death (en)
Familia
Cónxuxe	Donald John Rendell (1950–)
Fillos	Simon Arthur Charles Rendell
Pais	Arthur Grasemann   e Ebba Elise Kruse
Premios
(2004)  Gumshoe Awards (en) (1997)  The Grand Master (en) (1996)  Comandante da Orde do Imperio Británico (1995)  Premio Anthony (1991)  Gold Dagger (en) , premiado polo traballo King Solomon's Carpet (en) (1991)  Cartier Diamond Dagger (en) (1987)  Premio Edgar Allan Poe á mellor novela, premiado polo traballo A Dark-Adapted Eye (1987)  Gold Dagger (en) , premiado polo traballo A Fatal Inversion (en) (1986)  Gold Dagger (en) , premiado polo traballo Live Flesh (en) (1980)  Best Crime Novel in Swedish Translation (en) , premiado polo traballo Make Death Love Me (en) (1976)  Gold Dagger (en) , premiado polo traballo A Demon in My View (en)  membro da Royal Society of Literature
Descrito pola fonte	Obálky knih,
Páxina web	literature.britishcouncil.org…

Ruth Barbara Rendell, Baronesa Rendell de Babergh,^[1] CBE, nada como Ruth Barbara Grasemann en Londres o 17 de febreiro de 1930 e finada na mesma cidade o 2 de maio de 2015,^[2] foi unha escritora británica, autora de obras de misterio e psicoloxía criminal,^[3] chamada en ocasións a "Raíña do Crime". Escribiu tamén baixo o pseudónimo Barbara Vine.

Rendell naceu en South Woodford, Essex (actualmente Gran Londres).^[4] Os seus pais eran profesores. A súa nai, Ebba Kruse, naceu en Suecia de pais dinamarqueses e criouse en Dinamarca; o seu pai, Arthur Grasemann, era inglés. Como resultado de pasar o Nadal e outras vacacións en Escandinavia, Rendell aprendeu sueco e dinamarqués.^[5] Rematou os seus estudos secundarios no Loughton County High School, en Essex.

Deu entón inicio a unha carreira no xornalismo,^[4] traballando como reporteira e subeditora en diversos xornais rexionais. En 1950 casou co seu colega Don Rendell. En 1953 tiveron o seu único fillo, Simon.^[6] A parella divorciouse en 1975 mais volveu casar dous anos despois.^[7] Don Rendell faleceu en 1999 por mor dun cancro de próstata.^[6]

Ao quedar embarazada, Rendell abandonou o traballo para ficar na casa. Pasaron preto de dez anos durante os que Ruth Rendell empregaba o seu tempo libre experimentando coa escritura, tentando varios xéneros literarios ata decidirse pola novela policíaca. Así, publicou o seu primeiro libro en 1964, co título From Doon With Death. Nesta novela, a escritora presentou o Inspector Reginald Wexford,^[8] detective da pequena localidade de Kingsmarkham, personaxe que obtivo dende o principio gran popularidade. Continuaron moitos outros volumes, entre os que estaban To Fear A Painted Devil (1965), Vanity Dies Hard (1966) e Wolf To The Slaughter (1967).

Durante a década de 1980 comezou a publicar novelas policíacas empregando o pseudónimo Barbara Vine para expremer a súa faceta máis psicolóxica. As obras así asinadas, constituíron un éxito de vendas bastante significativo.

Escritora prolífica, publicou preto de media centena de libros policíacos, que a crítica dividiu en tres categorías. Unha serie dedicada ao Inspector Wexford, das que destacan Kissing The Gunner's Daughter (1992) e Road Rage (1997); outra de psicoloxía patolóxica marcada sobre todo por obras como A Judgement In Stone (1977) e The Lake Of Darkness (1980); e as novelas que asinou como Barbara Vine, das que se poden salientar A Fatal Inversion (1987) e King Solomon's Carpet (1991).

Ademais de recibir varios premios literarios da especialidade, Ruth Rendell foi nomeada par vitalicio da Cámara dos Lores do Parlamento británico, como Baronesa Rendell de Babergh, de Aldeburgh no condado de Suffolk, o 24 de outubro de 1997.^[9]

Rendell sufriu un ataque cardíaco o 7 de xaneiro de 2015^[10] e faleceu o 2 de maio dese ano.^[11]

• A Dark-Adapted Eye (1986)
• A Fatal Inversion (1987)
• The House of Stairs (1988)
• Gallowglass (1990)
• King Solomon's Carpet (1991)
• Asta's Book (1993)
• No Night is Too Long (1994)
• The Brimstone Wedding (1995)
• The Chimney-sweeper's Boy (1998)
• Grasshopper (2000)
• The Blood Doctor (2002)
• The Minotaur (2005)
• The Birthday Present (2008)

• Heartstones (1987)
• The Thief (2006)

• The Fallen Curtain (1976)
• Means of Evil (1979) (cinco historias do Inspector Wexford)
• The Fever Tree (1982)
• The New Girlfriend (1985)
• The Copper Peacock (1991)
• Blood Lines (1995)
• Piranha to Scurfy (2000)
• Collected Short Stories, Volume 1 (2006)
• Collected Short Stories, Volume 2 (2008)

• In the Time of His Prosperity (como Barbara Vine)

• Ruth Rendell's Suffolk (1989)
• Undermining the Central Line: giving government back to the people (con Colin Ward, 1989)
• The Reason Why: An Anthology of the Murderous Mind (1995)

Wikimedia Commons ten máis contidos multimedia na categoría:  Ruth Rendell

• Joshi, S. T. (2019). Varieties of Crime Fiction. Wildside Press. ISBN 978-1-4794-4546-2. 

• Intervención de son en 1990, con Ruth Rendell por Don Swaim para a CBS Radio, RealAudio
• Gusworld - Bibliografía detallada de Ruth Rendell
• Fatal Inversions - Bibliografía detallada de Barbara Vine
• Baronesa Rendell de Babergh en TheyWorkForYou.com