Rainbow Warrior

O Rainbow Warrior ("Guerreiro do arco da vella") foi o barco insignia da organización non gobernamental internacional Greenpeace.

Foi construído en Aberdeen, Escocia, en 1955 e inicialmente foi utilizado polo ministerio de agricultura británico como barco de investigacións. Máis adiante converteuse en barco de pesca no Mar do Norte até a súa adquisición por Greenpeace en 1978. O seu nome provén dunha antiga profecía dos nativos de Norteamérica. Foi afundido pola Dirección Xeral de Seguridade Exterior (DGSE), os servizos de intelixencia franceses, en Auckland, Nova Zelandia, o 10 de xullo de 1985, provocando a morte do fotógrafo e activista de Greenpeace Fernando Pereira.

Wikimedia Commons ten máis contidos multimedia na categoría:  Rainbow Warrior

• Dargaville Maritime Museum onde están expostos os mastros do Rainbow Warrior. (en inglés)