Misión organizativa

A misión dunha empresa, en xeral dunha organización (incluíndo relixiosa) é unha formulación breve que define o propósito de tal organización.

A misión ten sentido en tanto sexa coñecida polos stakeholders (involucrados directa ou indirectamente na organización ou potencialmente influentes sobre a organización), pois proporciona un marco obxectivo, sen ambigüidades nin malos entendidos, para entender o que se espera da organización, e o que espera a organización de cada un.

A declaración da misión é unha forma moi difundida e efectiva de comunicarlles a misión. A súa efectividade depende de dous aspectos principais:

• O método de formulación da declaración, que non deixe fóra ningún aspecto esencial da misión da organización.
• Acadar unha síntese da declaración nunha única frase.

Esta última característica é moi importante para unha difusión e absorción rápida e efectivado concepto. A única contra que se lle atribúe é a forma antiestética, complicada e contranatural que adoita adoptar a frase, que pode producir aversión, polo menos a primeira vez que se le.

• "Prover a sociedade de produtos e servizos superiores a través do desenvolvemento de innovacións e solucións que melloren a calidade de vida e satisfazan as necesidades dos clientes, e prover os empregados cun traballo con sentido e con oportunidades de progresar, e aos investidores cunha ratio de retorno superior" Merck
• "Organizar a información do mundo e facela universalmente accesible e útil." Google

Nunha empresa, o proceso de formulación da misión é un traballo directivo, que non debe ser delegado nunha área. Non é un traballo da área de recursos humanos, de mercadotecnia, de estratexia ou de control de xestión.

O obxectivo deste proceso é lograr un acordo directivo no obxectivo da organización e o xeito de procurar ese obxectivo.Como resultado deste proceso xorde unha declaración da misión. A declaración en si mesma non é o obxectivo do proceso, senón a "proba" de que se logrou acordo sobre a misión da compañía.

Existen varias técnicas para a elaborar esta declaración. Todas elas procuran:

• a participación dos directivos, imprescindible para lograr un acordo xenuíno,
• percorrer a lista de stakeholders, para non deixar a ningún fóra,
• desenvolver unha lista longa de conceptos, para logo eliminalos deixando só os máis relevantes,
• e dar forma de frase para facilitar a súa comunicación e comprensión.

A natureza escrita a declaración da misión elimina a subxectividade e a ambigüidade que adoita existir entre os stakeholders. Nas compañías sen declaración da súa misión, cada empregado adoita formular unha resposta diferente se se lle consulta sobre o obxectivo da empresa.

A misión pode usarse para resolver as diferenzas entre distintos stakeholders da empresa, incluíndo empregados, xestores, accionistas, directores, clientes, provedores, distribuidores, prestamistas, gobernos (local, estatal), sindicatos, competencia, ONGs

e o público en xeral.

• Visión (organización)

• Hughes K. et al (2005). IT Fundamentals. Tertiary Press. Croydon, Victoria. ISBN 0-86458-488-1. (en inglés)